Jetısuda «Taza Qazaqstan» baǧdarlamasy aiasynda «7 ÖZEN» keŋ auqymdy ekologiialyq festivalı öttı

Jetısu oblysynda «Taza Qazaqstan» baǧdarlamasy aiasynda aumaqtardy tazalau men aǧaş egu şaralary jalǧasuda. Mäselen, bügıngı ekologiialyq şaraǧa halyq belsene atsalysyp, 5 myŋǧa juyq adam qatysty.  Atap aitqanda, Jetısudyŋ jetı özenınıŋ jaǧasyn tazalaǧan «7 ÖZEN» atty keŋ auqymdy ekologiialyq festivalı öttı. Sol siiaqty Taldyqorǧan qalasynda «EcoKeruen» aksiiasy ūiymdastyrylyp, qalanyŋ basty köşelerı tūrmystyq qatty qaldyqtardy ırıkteu täsılı arqyly  qoqystan tazartyldy. «7 ÖZEN» atty keŋ auqymdy ekologiialyq festivalı öŋırdıŋ 8 audan-qalasynan aǧatyn Qaratal, Köksu, Aqsu, Şaja, Sarqan, Lepsı jäne Büien özenderınıŋ jaǧalauyn tazartu maqsatynda ötkızıldı. Oǧan jergılıktı jastar, erıktıler jäne tūrǧyndar belsendı türde qatysty. Şara aiasynda özen jaǧalaularyn qoqystan tazartu, ekologiialyq oiyndar men şeberlık sabaqtary, sondai-aq tabiǧatty qorǧauǧa baǧyttalǧan aqparattyq därıster ötkızıldı. Festivalge 600-ge juyq jas qatysyp, 20 tehnika jūmyldyryldy. Nätijesınde 10 tonnaǧa juyq qoqys jinaldy. Būl bastama jastardyŋ ekologiialyq sana-sezımın arttyryp, tabiǧatqa degen janaşyr közqaras qalyptastyruǧa ülken serpın berdı. «7 ÖZEN» festivalıne qatysuşylarynyŋ aituynşa, jaǧalaulardy tazartu ekojüienı saqtauǧa, auyz su közderınıŋ lastanuyn boldyrmauǧa jäne halyq arasynda ekologiialyq jauapkerşılıktı qalyptastyruǧa yqpal etedı. Osy künı Jetısu jastarynyŋ, ekobelsendılerdıŋ ūiymdastyruymen  «EcoKeruen» aksiiasy öttı. Aksiiasynyŋ maqsaty - qoǧamda ekologiialyq mädeniettı qalyptastyru, qaldyqtardy sūryptaudyŋ maŋyzdylyǧyn tüsındıru jäne qorşaǧan ortaǧa degen jauapkerşılıktı arttyru. «Jetisy jastary» KMM mamany Seiıtqali Miras: «Tazalyq şaralaryn üirenşıktı senbılık siiaqty emes, jaŋa formatta ötkızu jastardyŋ qyzyǧuşylyǧyn arttyryp, olardy tabiǧatty qorǧauǧa jūmyla kırısuge ündeitını anyq. Bügıngı «EcoKeruen» aksiiasyna 80 erıktı jas qatysyp, qalanyŋ basty köşelerımen arnaiy bezendırılgen eko-keruen traktor jäne şaǧyn vagondar jürıp öttı. Şaraǧa qatysuşalar keruennıŋ soŋynan jürıp, maŋaidaǧy qaldyqtardy jinady. Osy arqyly jaŋa buyn ökılderı arasynda ekologiialyq mädeniettı qalyptastyra alatynymyzǧa senımdımın», - deidı. Sonymen qatar oblys boiynşa «Jügır de tazala – ekoplogging» jäne «Jasyl beldeu» aksiialary öttı. «Jügır de tazala – ekoplogging» aksiiasy aiasynda oblys sportşylary, erıktı jastar komandalarǧa bölınıp, belıgılengen lokasiialardy qoqystan tazalaumen qatar, şapşaŋdyq pen ūtqyrlyǧyn şyŋdady. Aksiiaǧa 1 665 adam qatysyp, 20 tehnika jūmyldyryldy. Nätijesınde 314 tonna qoqys şyǧaryldy. Al «Jasyl beldeu» aksiiasyna audan-qala tūrǧyndary, deputattar, qoǧam belsendılerı, erıktı jastar - barlyǧy 2 320 adam atsalysyp, 17 tehnika jūmyldyryldy. Oblys aumaǧyndaǧy saiabaqtarǧa, sverler men alleialarǧa 3 500 tüp aǧaş,  67 350 gül otyrǧyzyldy.