Jetısu oblysy Alaköl audany Dostyq auylynda «Keleşek mektebı» ūlttyq jobasymen zamanaui jaŋa mektep salynyp, paidalanuǧa berıldı. Alty jüz orynǧa arnalǧan būl bılım mekemesı atalǧan joba aiasynda tūrǧyzylǧan oblystaǧy ekınşı mektep. Būǧan deiın osyndai 1200 oryndyq Panfilov audanynyŋ Jarkent qalasynda aşylǧan bolatyn, dep habarlaidy Jetısu oblysy äkımınıŋ baspasöz qyzmetı.
Jaŋa mekteptıŋ aşyluyna arnaiy barǧan oblys äkımınıŋ orynbasary Dias Esdäuletov auyl tūrǧyndaryn quanyştarymen qūttyqtady:
- Respublikalyq Tamyz konferensiiasynda Prezidentımız qala men auyl mektepterındegı bılım beru deŋgeiın teŋestıru mındetın qoiǧan bolatyn. Soǧan säikes oblysta äsırese auyldyq jerlerdegı bılım salasynyŋ infraqūrylymyn jaqsartuǧa köp köŋıl bölınıp keledı. Jyl saiyn mektepterdıŋ materialdyq-tehnikalyq bazasyn nyǧatuǧa da erekşe nazar audarylady. «Keleşek mektebı» jobasynyŋ da negızgı maqsaty osy, - degen Dias Esdäuletov oquşylarǧa oquda tabys, mektep ūjymynyŋ eŋbekterıne jemıs tılep, mektepke avtobus kölıgınıŋ kıltın tapsyrdy.
Sol siiaqty «Samruk-Kazyna Construction» AQ Ūlttyq jobany ıske asyru jäne öŋırlık damu jönındegı qūrylys departamentınıŋ direktory Qairat Ötegenov tılegın bıldırdı. Mūnan soŋ «VentKarkara service» qūrylys kompaniiasynyŋ direktory Erkın Ahmetjanov mektep direktory Ainagül Sadievaǧa mekteptıŋ simvoldyq kıltın ūsyndy.
Osydan keiın qonaqtar, jalpy jinalǧan qauym mekteptıŋ ışın aralap kördı. Būl jaŋa mektep talapqa sai jabdyqtalǧan, mūnda oquşylardyŋ jan-jaqty damuyna barlyq jaǧdai jasalǧan. Jaŋa pän kabinetterı, robototehnika, lingvistika kabinetterı, STEM zerthanasy, kıtaphana, şeberhana, horeografiia zaly, ashana jäne basqa da qajettı synyptar men zaldar qarastyrylǧan. Mektepte 59 mūǧalım jūmys ısteidı. Solardyŋ ışınde jaŋadan oqu bıtırıp kelgen jas mamandar da bar.
- Men mekteptı osy Dostyq auylynan oqyp bıtırgenmın. Joǧary oqu ornyn tämamdap, jas maman retınde öz auylyma eŋbegımdı sıŋıruge kelıp otyrmyn. Qazaq tılı men ädebietı pänınıŋ mūǧalımımın. Alǧaşqy eŋbek jolymdy osyndai «Keleşek mektebınen» bastau – men üşın märtebe. Körsetılıp jatqan ädıstemelık kömekter, qoldanuǧa yŋǧaily infoqūrylymdyq tehnologiialar jas mamandarǧa ülken qoldau bolady dep oilaimyn, - deidı Gülnūr Abylaihanova.
Ata-analar qauymy da jaŋa mekteptıŋ salynǧanyna dän razy.
- Bügın barşamyz üşın erekşe quanyşty kün. Şalǧai ornalasqan Dostyq auylynda bılım men tärbienıŋ jaŋa ordasy aşylyp otyr. Ata-analar qauymy da, balalarymyz da osy kündı asyǧa küttık. Atyna zaty sai zamanaui tehnikamen jabdyqtalǧan osyndai mektepte oqu - bızdıŋ balalarymyz üşın keremet mümkındık. Sapaly bılım alyp qana qoimai mūnda türlı üiırmelerge qatysyp, jan-jaqty damularyna barlyq jaǧdai jasalǧany bızdı qatty quantty. Endı tek qana jaqsy oqyp, alaŋsyz bılım aluyn ata-ana retınde qadaǧalap, mūǧalımdermen qoian-qoltyq jūmys ısteimız, - deidı Jadyra Mūjybaeva.
Jalpy Jetısu oblysynda Bügıngı künı oblysta 6 mekteptıŋ qūrylysy jürgızılude, sonyŋ 3-euı biyl qoldanysqa berıledı.
