Bügın Jetısu oblysynda Olimpiada jüldegerlerı men elımızdıŋ tanymal sportşylary jastarmen kezdestı. Būl kezdesu «Būqaralyq sport - bolaşaq jeŋısterdıŋ bastauy» sporttyq ıs-şarasynyŋ aiasynda ötkızıldı,dep habarlaidy "Adyrna" Jetısu oblysy äkımınıŋ baspasöz qyzmetıne sılteme jasap.
Atap aitqanda, osy künı Taldyqorǧandaǧy «Jastar» sport saraiyna Olimpiada jūldyzdary Ermahan Ybraiymov, Olga Şişigina, Iýrii Melnichenko, Evgenii Iаrovenko, Sergei Kotenko, Mäulen Mamyrov, Vladimir Vohmianin, el futbolynyŋ aty aŋyzǧa ainalǧan qaqpaşysy Qūralbek Ordabaev jäne basqa da sport saŋlaqtary keldı. Būqaralyq sportty nasihattau, jastardyŋ salamatty ömır saltyn ūstanuǧa jäne dene şynyqtyruǧa degen qyzyǧuşylyǧyn oiatu maqsatynda ūiymdastyrylǧan kezdesuge oblystaǧy balalar jäne jasöspırımder sport mektepterınıŋ tärbielenuşılerı, jattyqtyruşylary, jalpy bılım beretın mektepterdıŋ sport üiırmelerıne qatysatyn oquşylary men ata-analar qatysty.
Şaranyŋ aşyluynda söz söilegen oblys äkımı Beibıt İsabaev qonaqtarǧa jyly tılegın bıldırıp, Memleket basşysynyŋ būqaralyq sportqa maŋyz beru turaly tapsyrmasyna säikes atalmyş şaranyŋ ötkızılıp otyrǧanyn jetkızdı.
- Jetısudyŋ jas sportşylary, sızderdıŋ aldaryŋyzda Olimpiada chempiondary otyr. Bır kezderı olar da sızder siiaqty ülken armanǧa ūmtylǧan jas bala bolǧan. Bügınde bızdıŋ olimpiadaşylardyŋ ülgısı sızderge myqty motivasiia bolady, ömırlık önegesı men eŋbekqorlyq qasietterı sızderdıŋ jürekterıŋızge jıger men jalyn ūialatady dep senemın! – dedı B. İsabaev.
Mūnan soŋ qonaqtar kezekpen söz alyp, jas sportşylarǧa aqyl-keŋesterı men tılekterın bıldırdı. Sportşyǧa kerektı basty qasietterdı atap, şarşamai eŋbektenuge şaqyrdy.
- Bügın osy zalda otyrǧan balalardyŋ ışınen bälkım 5-10 jyldan keiın Älem chempiony, Olimpiada jüldegerı şyǧuy äbden mümkın. Bız de ülken jeŋıstı bala künımızden armandadyq. Serık Qonaqbaev, Şämıl Serıkovterdı teledidardan körıp, sol kısılerge elıktep östık. Jai armandap qoiu az, eŋ bastysy ter tögu kerek. Būl jolda eŋ ülken qarsylas – özıŋ. Özın, özınıŋ jalqaulyǧyn jeŋgen adam mındettı türde chempion bolady, - dedı bokstan Sidnei Olimpiadasynyŋ chempiony Ermahan Ybraiymov.
Al Mäskeudegı Olimpiada oiyndarynyŋ chempiony, vaterpolşy Sergei Kotenko:
- Bügın sızderdıŋ aldaryŋyzda sporttyŋ qai türınen bolsyn jeŋıstıŋ şyŋyna şyqqan azamattar kelıp otyr. Qai-qaisysynan da ülgı alularyŋyzǧa bolady. Jalpy jüregıŋ qalaityn sporttyŋ türımen ainalysu kerek, sonda nätije şyǧady. Qazır tegın seksiialar köp, sportpen ainalysuǧa barlyq mümkındık jasalǧan. Sondyqtan myqty sportşy bolu eŋ bırınşı özderıŋe bailanysty. Jetısu jerı - būrynnan myqty sportşylarymen tanylǧan öŋır. Aldaǧy uaqytta da osy ölkeden älemdı moiyndatatyn chempiondar şyǧady dep oilaimyn, - dedı ol.
Būdan ärı kezdesu jasöspırımderdıŋ sportşylarǧa özderın qyzyqtyrǧan saualdaryn qoiyp, pıkır almasuymen jalǧasty. Sport jūldyzdary boks qolǧaby, futbol doby siiaqty sporttyq qūraldarǧa öz qoltaŋbalaryn qoiyp, balalarmen bırge estelık suretke tüstı.
Balalar da bügıngı şaradan alǧan äserı erekşe ekenın aitady.
- Özım Taldyqorǧandaǧy №18 mektepte 6-synypta oqimyn. Ekı jyldan berı jüzumen ainalysamyn, oǧan qosa üstel tennisı üiırmesıne baryp jürmın. Maǧan sportpen ainalysqan ūnaidy. Bügın Olimpiada chempiondary keledı degen soŋ olardy jüzbe-jüz körıp, sporttaǧy ömırı turaly tyŋdauǧa kelgenmın, kelgenıme qatty quanyp otyrmyn. Ol kısılerdıŋ jeŋıs jolyndaǧy türlı oqiǧalaryn, jattyǧudaǧy tabandylyqtary turaly äŋgımelerdı öz auyzdarynan estıdık. Eger bolaşaqta sportşy boludy taŋdasam, osy kısıler siiaqty chempion bolǧym keledı, - deidı Ramazan Jūmabek.
Atap ötsek, oblystyŋ audan-qalalaryndaǧy 23 sport mektebınde 23 myŋnan astam tärbielenuşı sporttyŋ 61 türımen şūǧyldanady. Al öŋırde dene şynyqtyru jäne sportpen ainalysatyn adamdar oblys halqynyŋ 42 % qūraidy. Jalpy osy jyldyŋ basynan berı öŋır sportşylary respublikalyq jäne halyqaralyq deŋgeilı jarystarda 1 myŋnan astam medal jeŋıp alǧan.
