Қазақстанның Қытайға шикізат экспорты күрт төмендеді. Бұл туралы LS агенттігі жазды, деп хабарлайды “Адырна” ұлттық порталы.
Ақпаратқа сәйкес, осы жылдың I тоқсанында екі ел арасындағы тауар айналымы $5,9 млрд болды, бұл өткен жылдың қаңтар-наурызымен салыстырғанда 5%-ға аз.
Бұл төмендеу Қазақстаннан Қытайға экспорт көлемінің 20%-ға, яғни 3,6 млн тоннаға дейін азаюынан орын алды. Ақшалай мәнде бұл 21,3%-ға қысқарып,$2,4 млрд болды.
Қытайдың Қазақстан мұнайына қызығушылығы азайғаны байқалған. Көрші елге небәрі 248,7 мың тонна мұнай жөнелтілді, ал 2024 жылдың I тоқсанында бұл көрсеткіш 1,4 млн тоннадан асқан еді.
Сонымен қатар, мыстың экспорты 1,7 есеге (51 мың тоннаға дейін), ядролық реакторлар (твэлдер) 10,5%-ға (68 данаға дейін), кен мен концентраттар 4,8%-ға (1,8 млн тоннаға дейін) қысқарғаны байқалды.
Алайда кейбір тауарлар бойынша өсім бар. Май өңдеушілер Қытайға 78,6 мың тонна өнім жіберді, бұл өткен жылмен салыстырғанда 1,6 есеге көп.
Майлы дақыл тұқымдарының экспорты 2,1 есеге (150,4 мың тонна), ауыл шаруашылығы жануарлары мен құстарға арналған құрама жем 3 есеге (470,5 мың тонна) артты.
Бұған қоса, Қытайға 821,3 млн текше метр мұнай газы (+2,9 есе), 45,6 мың тонна мырыш (+2,3 есе) және 254 мың тонна ферроқорытпа (+13%) жөнелтілді.
Импорт жағынан қарама-қарсы үрдіс байқалады: физикалық көлемі 48,4%-ға (1,2 млн тоннаға дейін), ал ақшалай мәнде 11,4%-ға ($3,4 млрд) өсті.
Қазақстанға Қытайдан аксессуарлар мен киім-кешек – 18,1 мың тонна (-19%), компьютер мен ноутбук – 878,4 мың дана (-23,5%), арнайы техника – 82,3 мың дана (-15%) әкелінді.
Ал жеміс пен көкөніс импорты 2,2 есеге өсіп, 140 мың тоннаға жетті.
Сондай-ақ, Қытайдан Қазақстанға пластмасса және пластмасса бұйымдары – 102,1 мың тонна (+1,6 есе), қара металдар – 159,1 мың тонна (+1,6 есе), сорғылар мен желдеткіштер – 4,5 млн дана (+2 есе), автокөлік пен жүк көлігі – 22,4 мың дана (+31,6%), смартфон – 1,3 млн дана (+12,8%) жеткізілді.
