Талдықорғанда оқушы қызды автобус мектеп маңында басып кетті. Полиция жол көлік оқиғасы бойынша қылмыстық іс қозғады. Бұл туралы желіде видео тарады, деп хабарлайды “Адырна” ұлттық порталы.
«Талдықорған қаласының полиция басқармасы Абай-Қабанбай батыр көшесінің қиылысындағы жол көлік оқиғасы дерегі бойынша қылмыстық іс қозғады. Алдын ала мәлімет бойынша, автобус жүргізушісі жаяулар өткелінде басып кеткен», – деп хабарлады полиция басқармасы.
Жас қыз тіл тартпай кеткен. Күдікті қамауға алынып, тергеу жүргізіліп жатыр.
