“Адырна” ұлттық порталы YouTube арнасының кезекті қонағы –халық емшісі, мал шаруашылығың маманы, дала философиясының дарасы Өтеміс ақсақал.
Қазіргі қоғамда жан мен тән саулығын іздеген адам көбіне қаланың шулы көшесінен емес, даланың үнсіз кеңістігінен шипа тапқысы келеді. Бұл сұхбат — түйе шаруашылығымен айналысып, халық емі арқылы адамдарға демеу болып жүрген дала емшісімен болған сырлы әңгіме.
Бұл — жай ғана емшілік емес, өмірдің өз философиясына айналған жол. Даладағы тіршілік, түйенің сабыры мен табиғаттың емдік қуаты туралы шынайы әңгіме. Сұхбатта біз тек тәнді емес, жанды емдеудің де жолын іздедік.
Мал шаруашылығының мәні, адамның табиғаттан алыстауы, түйе сүті мен зәрінің емдік қасиеті, сенім мен сауығудың байланысы, ішкі тыныштық пен өмір философиясы жайлы терең толғаныстар осы сұхбатта тоғысқан. Дала тыныштығының үніне құлақ түргіңіз келсе, бізбен бірге болыңыз.
