Мақсат, еңбек, нәтиже - осындай атаумен Тарбағатай ауданының орталығы Ақсуат ауылында жастар форумы өтуде. Барқытбел жастары - болашақтың бастауы деген ұранды ту еткен ауданның белсенді жастарының алдында сөз сөйлеген аудан әкімі Серікқазы Құсайынұлы Садуақасов жергілікті биліктің жастарды қолдау мақсатында ештеңе аямайтынын жеткізді.
" Маған арнайы жобалармен келіңіздер. Қай жоба болмасын қолдаймыз. Қаржы бөлдіреміз. Ауылдарыңызды гүлдендіру жолдарын ойлаңыздар. Білім саласы, денсаулық сақтау саласы, ауылды көгалдандыру және абаттандыру туралы бағдарламаларыңызды алып келіңіздер. Аудан әкімшілігі ешқайсысын назардан тыс қалдырмайды" деді аудан әкімі.
Форум кешке дейін жалғасады.
"Адырна" ұлттық порталы
