ШЫМКЕНТТЕ БЕТПЕРДЕЛІК РЕЖИМДІ САҚТАУ ҚАТАҢ БАҚЫЛАУҒА АЛЫНҒАН

1824
Adyrna.kz Telegram

Абай ауданында дезинфекциялау жұмыстары қарқынды жүруде. Бүгінге дейін аудандағы 31 шағынаудан мен тұрғын алабындағы 582 көше дәрілеу жұмыстарынан өтті. Бұл жұмыстарға 8 арнайы техника мен 130 әскери қызметші жұмылдырылды.

Аудан аумағындағы оқшауланған 6 нысандағы жағдай жіті бақылауға алынып, тұрғындарға қажетті заттарды жеткізу жүйеленді.

Карантинге жабылған аймақтардағы тұрғындарға «Biz Birgemiz» акциясы аясында және демеушіер есебінен азық-түліктер тегін таратылды. Бүгінде дейін 1790 отбасыға, 2368  азық-түлік пакеті табысталды. 892 отбасыға тиесілі көмектер үлестірілуде.

Көп балалы отбасылар мен жағдайы төмен отбасыларға 32 мың бетперде таратылып,  «Biz Birgemiz» акциясы аясына 55 жастан асқан азаматтар мен зейнеткерлерге және мүмкіндігі шектеулі азаматтарға 330 мың бетперде таратылды.

Індеттің алдын алу мақсатында аудан аумағында орналасқан банк филиалдарында сақтық шаралары қолға алынып, келушілер үшін арнайы күту орындары әзірленді. Ауданда бетперделік режимді сақтау қатаң бақылауға алынған.

Пікірлер