Қазақстан президенті кәмелетке толмаған сегіз және одан көп баласы бар отбасыларға жаңа жәрдемақы бекітетін заңға қол қойды. Жаңа заң бойынша сегіз және одан көп баласы бар отбасылар бұрынғыдай жеті бала үшін емес, әр балаға 4 АЕК мөлшерінде жәрдемақы алады
Жәрдемақының мөлшері "Қазақстан Республикасының кейбір заңнамалық актілеріне ана мен баланы қорғау мәселелері бойынша өзгерістер мен толықтырулар енгізу туралы" заңында белгіленген.
Енді көпбалалы ана әр баласы үшін 4 АЕК (11 112 теңге) мөлшерінде жәрдемақы алады.
Биыл 1 қаңтардан бастап кәмелетке толмаған 4 және одан көп баласы бар отбасылар үшін жаңа мемлекеттік жәрдемақы тағайындалған болатын. Алайда жәрдемақы мөлшері жеті баламен шектеліп қалған еді.
