شىمكەنتتە «اقىلدى قالا» جوباسى بويىنشا قوعامدىق قاۋىپسىزدىكتى قاداعالاۋ بەينەباقىلاۋ كامەراسىنىڭ كومەگىمەن جۇزەگە اسىرىلۋدا.
اعىمداعى جىلدىڭ جەتى ايىندا شىمكەنت قالاسىنىڭ پوليتسيا دەپارتامەنتى جەدەل باسقارۋ ورتالىعىنىڭ قىزمەتكەرلەرى نولدىك توزىمدىلىك قاعيداسى جانە اكىمشىلىك قۇقىقبۇزۋشىلىق بويىنشا 26 507 جايتتى انىقتاعان. ولار قوعامدىق ورىندا قوقىس قالدىعىن تاستاۋ – 502, قوعامدىق ورىندا ماس حالدە جۇرگەندەر - 640, قوعامدىق ورىندا قايىرشىلىق جاساۋ – 706, جول ەرەجەسىن بۇزعاندار -19 972, باسقا دا اكىمشىلىك قۇقىقبۇزۋشىلىقتار بويىنشا 4687 ءىس تىركەگەن.
سونداي-اق، سىرتقى بەينەباقىلاۋ كامەرالارىنىڭ كومەگىمەن پوليتسەيلەر قىلمىس بەلگىلەرى بار 138 قىلمىستىڭ بەتىن اشقان. ونىڭ ىشىندە توناۋ – 3, بۇزاقىلىق – 15, اۆتوكولىكتى زاڭسىز يەلەنۋ – 6, ۇرلىق – 73, وزگە دە 41 قىلمىستىڭ ءىزى سۋىتپاي اشقان.
ال، ءبىر تاۋلىك ىشىندە سىرتقى بەينەكامەرالار ارقىلى 125 اكىمشىلىك قۇقىق بۇزۋشىلىق انىقتاعان. تىركەلگەن ءتارتىپ بۇزۋشىلىق نەگىزىندە اكىمشىلىك حاتتامالار تولتىرىلىپ، قۇقىق بۇزۋشىنىڭ مەكەنجايىنا جولدانعان.
شىمكەنت قالاسى اكىمىنىڭ ءباسپاسوز قىزمەتى
