ۇستاز بەن شاكىرت قول ۇستاسىپ، ءبىلىم مەن قۇندىلىقتى قاتار الىپ جۇرسە – ناعىز وركەنيەت سوندا باستالادى. ال بۇل كەش – سول وركەنيەتكە باستار ساۋلەلى قادام!
ءبىلىم – اقيقاتقا باستار جول، ال قۇندىلىق – سول جولدىڭ جۇرەككە تۇسىرەر ءىزى. 93 مەكتەپ-ليتسەيى ۇيىمداستىرعان “قۇندىلىقتارعا قۇرىلعان ءبىلىم – جەڭىمپازدار تاجىريبەسى” اتتى Tedx فورماتىنداعى قورىتىندى كەش – وسى سوزدەردىڭ ناقتى دالەلى بولدى. بۇل – جاي عانا ەسەپ بەرۋ نەمەسە ماراپاتتاۋ ءساتى ەمەس، بۇل – جىل بويى رۋحاني ىزدەنىسپەن، ادەبي تەرەڭدىكپەن، ۇستاز بەن شاكىرتتىڭ ءوزارا سەنىمىنە قۇرىلعان ەڭبەكتىڭ جارقىن كورىنىسى.ساپامەن ولشەنگەن ساپار
“8 اي – 8 كىتاپ – 80 سۇراق” فورمۋلاسى، شىن مانىندە، جاستاردىڭ ىشكى الەمىنە ساپار شەككەن رۋحاني ەكسپەديتسيا. انا مەن بالانىڭ بۇل بايقاۋدا توپ جارىپ، شەتەلگە جولداما الۋى – ءبىر وتباسىنىڭ ەمەس، تۇتاس مەكتەپ قاۋىمىنىڭ ورتاق جەڭىسى. وقىلعان كىتاپتار – قازاق ادەبيەتىنىڭ جاۋھارلارى، ارقايسىسى ادام جانىنىڭ ءتۇرلى قىرىن اشاتىن تەرەڭ ويلى تۋىندىلار.- سايىن مۇراتبەكوۆتىڭ “جۋسان ءيىسى” – ساعىنىش پەن بالالىقتىڭ اڭسارى،
- ءازىلحان نۇرشايىقوۆتىڭ “اقيقات پەن اڭىزى” – ادالدىق پەن ازاماتتىقتىڭ ايناسى،
- ءسابيت مۇقانوۆتىڭ “بوتاگوزى” – تاعدىر مەن ماحابباتتىڭ دراماسى،
- جۇسىپبەك ايماۋىتوۆتىڭ “اقبىلەگى” – ايەل تاعدىرى، ۇلتتىق قاسىرەت،
- ورالحان بوكەيدىڭ “قار قىزى” – سىر مەن سەزىمنىڭ شەكسىز كەڭىستىگى،
- دۋلات يسابەكوۆتىڭ “قارعىنى” – وركەنيەت پەن ار تازالىعى،
- ساكەن ءجۇنىسوۆتىڭ “جاپانداعى جالعىز ءۇيى” – جالعىزدىقتىڭ جان داۋىسى،
- زەينەپ احمەتوۆانىڭ “شۋاقتى كۇندەرى” – وتكەن مەن بۇگىننىڭ ديالوگى.
بۇل شىعارمالار – تەك ادەبي ءماتىن ەمەس، ءومىردىڭ ءوزىن سويلەتكەن كوركەم اقيقاتتار.
شىعارمالار تەك سيۋجەت نەمەسە كەيىپكەر تاعدىرىمەن عانا ەمەس، ولارداعى ءومىر مەن ءولىم، ار مەن نامىس، ماحاببات پەن ادالدىق، جالعىزدىق پەن ءۇمىت سەكىلدى ماڭگىلىك كاتەگوريالار ارقىلى وقۋشىنى ويلاۋعا، سەزىنۋگە، ادام بولمىسىنا ۇڭىلۋگە جەتەلەيدى. بۇل – ءبىلىمنىڭ ەڭ اسقاق فورماسى: اقپارات ەمەس، تۇسىنىك، ەستە ساقتاۋ ەمەس، تۇيسىك.
«وسى جوبا ارقىلى انام الەمگە مەنىڭ كوزىممەن قاراي باستادى» - دەدى، بايقاۋدان ەكىنشى ورىن يەلەنگەن 10 «ءا» سىنىپ وقۋشىسى ماسقانوۆا شىنار.
ء“ار كىتاپ – ءبىر الەم” جوباسى اياسىندا ۇستازدار قاۋىمى دا رۋحاني ىزدەنىستەن شەت قالمادى. ولار وقىعان شىعارمالار – پەداگوگيكالىق پاراسات پەن ادامتانۋدىڭ تەرەڭ كوزى. ۇستاز ءۇشىن ءبىلىم بەرۋ – جاي عانا ءپان ۇيرەتۋ ەمەس. ول – جۇرەكتەن جۇرەككە جول سالۋ، ادام بويىنداعى مۇمكىندىكتى كورىپ، سونى اشۋ. ءبىلىم – ادامنىڭ جانىنا باعىتتالعان كۇش، ال ۇستاز – سول كۇشتىڭ تاراتۋشىسى. وسى ورايدا ءبىلىم تۋرالى ويشىلداردىڭ كوزقاراسىنا كەزەك
كەش بارىسىندا ء“بىرتۇتاس تاربيە” باعدارلاماسى اياسىندا جۇزەگە اسقان جوبالار – تاربيە مەن ءبىلىمدى ءبولىپ-جارماي قاراستىرۋدىڭ جارقىن كورىنىسى بولدى. “ۇشقىر وي الاڭى”، “شابىت”، “قامقور”، “Smart Bala” سياقتى جوبالار بالانىڭ تەك زياتكەرلىك قابىلەتىن عانا ەمەس، ادامگەرشىلىك، قايىرىمدىلىق، جاۋاپكەرشىلىك قاسيەتتەرىن دە دامىتۋدى كوزدەگەنىن دالەلدەدى.
مۇنداي جوبالار ارقىلى بالادا تەك ءبىلىم ەمەس، بولمىس قالىپتاسادى. ال، بولمىس – ادامنىڭ ىشكى تۇتاستىعى، ياعني ءبىلىمى، سەنىمى، ارەكەتى مەن مىنەزى ءبىر ارنادا توعىسقاندا عانا رۋحاني كەمەلدىككە جەتۋگە بولادى.
فيزيكا ءپانىنىڭ مۇعالىمى، باقىتجان ايبولۇلىنىڭ Bookchallenge جوباسى اياسىنداعى پىكىرى دە كوپشىلىكتى تولعانتپاي قويمادى. “كىتاپتىڭ بەرەرى – وي تالعامىن قالىپتاستىرۋ.”- دەدى باقىتجان ايبولۇلى. راسىندا، شىنايى ءبىلىم – دايىن جاۋاپتاردى ەمەس، جاڭا سۇراقتاردى تۋدىرادى. ال كىتاپ – سول سۇراقتارعا جول اشاتىن رۋحاني قۇرال.
بۇل كەش – ءبىر جىلدىق ەڭبەكتىڭ شارىقتاۋ شەگى عانا ەمەس، قۇندىلىقتار ارقىلى وركەندەۋدىڭ جارقىن ۇلگىسى. بۇگىنگى شاكىرت – ەرتەڭگى ەل تۇتقاسى. ولاردىڭ رۋحاني ازىعى باي، تانىمى تەرەڭ بولسا – بولاشاق جارقىن بولماق.
بۇل جوبانىڭ جوعارى دەڭگەيدە وتۋىنە مەكتەپ ديرەكتورى بەكسۇلتان پولاتبەكۇلىنىڭ تىكەلەي باستاماسى مەن قولداۋى ەرەكشە ىقپال ەتتى. ۇرپاق تاربيەسىن جاڭاشا كوزقاراسپەن ۇيىمداستىرۋعا ۇمتىلعان باسشى رەتىندە ول ءبىلىم مەن قۇندىلىقتى ۇشتاستىرعان وسىنداي جوبالارعا زور ءمان بەرىپ كەلەدى.
باسشىنىڭ جاناشىر كوزقاراسى مەن زاماناۋي ويلاۋى – مەكتەپ ۇجىمىنىڭ شابىتپەن، سەنىممەن جۇمىس ىستەۋىنە بەرىك نەگىز بولۋدا.
وسى جوبادا ەرەكشە بەلسەندىلىك تانىتىپ، شىعارماشىلىق ىزدەنىستەرىمەن كوزگە تۇسكەن بىرقاتار ۇستازدار دا شاكىرتتەرىمەن بىرگە شەتەلگە جولداما ۇتىپ الدى. بۇل – ۇستاز ەڭبەگىنىڭ لايىقتى باعالانۋى عانا ەمەس، قوعامنىڭ «مۇعالىم – كەلەشەك ساۋلەتشىسى» دەگەن قاعيدانى ناقتى ىسكە اينالدىرىپ وتىرعانىنىڭ جارقىن دالەلى. بۇل جولدامالار – جاي عانا ساياحات ەمەس، رۋحاني شابىتتىڭ، كاسىبي مويىنداۋدىڭ، جان مەن جۇرەكتى جاڭعىرتاتىن رۋحاني دەمنىڭ بەلگىسى. بۇل – ۇستازعا كورسەتىلگەن شىنايى قۇرمەتتىڭ، ۇرپاق تاربيەسىنە قوسقان ۇلەستىڭ ناقتى كورىنىسى. ويتكەنى قۇندىلىقتارعا نەگىزدەلگەن ءبىلىم – بۇل تەك وقۋ باعدارلاماسى ەمەس. بۇل – ءومىردى تانۋعا، ادام بولۋعا، جۇرەكتەن جول ىزدەۋگە باعىتتالعان رۋحاني باعدار. ال 93 مەكتەپ-ليتسەيى وسى باعىتتى ناقتى ىسىمەن، مازمۇندى جوبالارىمەن، ناتيجەلى ەڭبەگىمەن دالەلدەپ كەلەدى. بۇل – ءسوزسىز، جەڭىس. بۇل جەڭىس – ساناداعى سەرپىلىس، جۇرەكتەگى جاڭعىرۋ، بولاشاققا سالىنعان سەنىمدى كوپىر!
