استاناداعى رەسپۋبليكالىق فيزيكا-ماتەماتيكا مەكتەبىنىڭ وقۋشىسى بورتە سايرانبەكقىزى گارۆارد ۋنيۆەرسيتەتىنە وقۋعا قابىلداندى. بۇل تۋرالى وقۋ-اعارتۋ مينيسترلىگى مالىمدەدى، دەپ حابارلايدى "ادىرنا".
ول Advanced Placement باعدارلاماسى بويىنشا 7 ەمتيحان تاپسىرىپ، AP International Diploma يەگەرى اتانعان.
«وقۋشى Advanced Placement باعدارلاماسىنىڭ مۇمكىندىكتەرىن ءتيىمدى پايدالاندى. وقۋ بارىسىندا تاباندىلىق پەن ەڭبەكقورلىق تانىتقان وقۋشى 10-سىنىپتان كەيىن ءتۇرلى پاندەر بويىنشا 7 ەمتيحان تاپسىرىپ، AP International Diploma يەگەرى اتاندى»، – دەلىنگەن حابارلامادا.
سونىمەن قاتار وقۋشى SAT, IELTS, CAE جانە HSK حالىقارالىق تەستىلەرىنەن جوعارى ناتيجە كورسەتكەن.
بورتە قازاق، ورىس جانە اعىلشىن تىلدەرىن ەركىن مەڭگەرگەن. قىتاي ءتىلىن دە وقىپ، وسى باعىتتا ەمتيحان تاپسىرعان.
وقۋشى مەكتەپتە عىلىمي جوبالارمەن اينالىسىپ، حالىقارالىق باعدارلاماعا قاتىسقان. اقش پروفەسسورىنىڭ جەتەكشىلىگىمەن زەرتتەۋ جۇرگىزگەن.
