Құс тұмауы алғашында су айдындарына қонатын жабайы құстардан анықталды. Бұл туралы ҚР Ауыл шаруашылығы вице-министрі Гүлмира Исаева ОКҚ брифингінде хабарлады.
Брифинг барысында ол: «Солтүстік Қазақстан және басқа өңірлерде құс тұмауы алғашында су айдындарына қонатын жабайы құстардан анықталды. Сәйкесінше, ол су айдындарында үй құстары да болады. Осылайша, инфекция тараған. Аурудың таралу аймағына қарап, жабайы құстардың Ресей Федерациясынан оңтүстікке ұшатынын, жолдан Қазақстандағы су айдындарына да қонатынын айтуға болады», - деді.
Айта кетсек, СҚО-ның 17 ауылында құс тұмауы тіркелді. Ақмола облысындағы тағы үш өңірде құс тұмауының белгілері анықталды.
"Адырна" ұлттық порталы
