3 жылға жалғасқан қазба жұмыстарынан кейін Қытайлық археологтар Шынжаң өлкесінің Санжы дүңген автономиялық облысына тәуелді Шонжы ауданының жеріндегі ежелгі қала қонысынан X ғасырға тән қоғамдық моншаның орны анықталғанын жарияалады, деп хабарлайды "Адырна" ұлттық порталы.
Бұл жайында Журналист Ерлан Мазан facebook-тағы парақшасында:
"Қытайлық археологтардың пікірінше, монша Идықұт ұйғыр хандығы кезінде салынып, моңғол үстемдігі кезінде де пайдаланылған. Монша жерүсті және жерасты екі бөліктен, сондай-ақ, сардоба, құдық секілді қосымша нысандардан тұрады, жерасты бөлігінде жылу жүйесі орналасқан, жерүсті бөлігі жуынуға, бұлауға түсуге және дем алуға арналған", деп жазды.
