Сайлаудағы жеңілісін мойындаудан бас тартқан АҚШ-тың қазіргі президенті Дональд Трамп өзінің жақтастарының кезекті митингісі болатынын жариялады. Бұл туралы «Адырна» ұлттық порталы informburo.kz- ке сілтеме жасай отырып хабарлайды.
Ауқымды акция Вашингтонда 6 қаңтарда, Конгресстің екі палатасы дауыс беру нәтижелерін ресми түрде мақұлдаған күні өтеді.
"Үлкен наразылық митингі Вашингтонда 6 қаңтарда сағат 11.00 – де өтеді", - деп жазды Дональд Трамп Twitter-де.
Қазіргі Мемлекет басшысының жақтастары қараша мен желтоқсан айларында ірі демонстрациялар өткізген болатын.
3 қарашада АҚШ-та президент сайлауы өтті. Демократиялық кандидат Джо Байденнің жеңісі туралы Америка Құрама Штаттарының жетекші БАҚ – тар-CNN, BBC, NBC, Associated Press, Fox News хабарлаған болатын.
"Адырна" ұлттық порталы
Фото ашық дереккөзден алынды
