Брифингте Маңғыстау облысы әкімінің орынбасары Ғалымжан Ниязов қанша бас ірі қара өлгенін айтты, деп хабарлайды "Адырна" ұлттық порталы zakon.kz-ке сілтеп.
Журналистерден малдың өлімі туралы сұрақтар қойылды. Кейбіреулер біздің өңірде 5 мың бас мал өлді дейді. Сонау сәуірде ауылдарда биотермиялық шұңқырлар дайындалды, 1163 бас өлген мал көмілді. 1163 бастан тек 194-і тіркеуге алынған. Қалған өлген малдардың иесі жоқ, олардың иелері кім екені белгісіз. Әзірге мал өліміне қатысты тек жеті азаматқа өтініш түсті, деді Ниязов.
Жалпы, оның айтқан статистикалық мәліметтеріне сүйенсек, ағымдағы жылдың 1 тамызындағы жағдай бойынша облыста 629336 бас мал болған, ауыл шаруашылығының бірыңғай деректер қорында тіркелген мал 639 493 құрайды.
Әкім орынбасары 77 мың тонна жем алу жоспарланғанын айтты. Маңғыстау, Бейнеу, Қараки, Түпқараған, Мұнайлы аудандарына 41 470 тонна жем жеткізілді. Қыс айларында 35 530 тонна шөп әкелу жоспарланған, 25 530 тонна шөп басқа өңірлерден әкелінеді.
Жыл ортасында жем сатып алуға 204 миллион теңге бөлінді. Қыс айларында мемлекеттік қолдау аясында жем сатып алуға 5,3 млрд теңге жұмсау жоспарланып отыр. Оның 2,1 миллиарды бүгінде бөлінді, - деді облыс әкімінің орынбасары.
Брифингте олар фермерлер үкіметтің резервінен шығынды ішінара өтей алатынын қосты.
Бүгінгі таңда үкіметтің резервінен 745,1 миллион теңге сомасындағы 5900 жеке қосалқы шаруашылықтың шығындары ішінара өтелді, ал 565 шаруа қожалығы 395,2 миллион теңге алды, деп қорытындылады Ниязов.
"Адырна" ұлттық порталы
