مۇنايلى اۋدانىندا توبەلەس بولىپ، وندا بالتا قولدانىپ، سالدارىنان ءبىر ەر ادام قازا تاپتى. پوليتسيا دەپارتامەنتى قايعىلى وقيعانىڭ ءمان-جايىن ايتتى، دەپ حابارلايدى "ادىرنا" ۇلتتىق پورتالى.
كىسى ءولتىرۋ وقيعاسى مۇنايلى اۋدانى باسقۇدىق اۋىلىندا بولعان.
- 6 قاراشادا ساعات 20:25-تە مۇنايلى اۋداندىق پوليتسيا ءبولىمىنىڭ 102 كەزەكشى پۋلتىنە باسقۇدىق اۋىلىندا بەرەكەت كوشەسىندە ەر ادامنىڭ ءمايىتى تابىلعانى تۋرالى قوڭىراۋ كەلىپ ءتۇستى. قوڭىراۋعا جەدەل تەرگەۋ توبى باردى، وقيعا ورنىندا كىسى ولتىرگەن دەگەن كۇدىككە ىلىنگەن ەكى ازامات ۇستالدى. اتالعان فاكتى قازاقستان رەسپۋبليكاسى قىلمىستىق كودەكسىنىڭ 99-بابىنىڭ 2-تارماعى (ادام ءولتىرۋ) بويىنشا مۇنايلى اۋداندىق پوليتسيا ءبولىمىنىڭ سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە تىركەلگەن. قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى، اتالعان فاكتى بويىنشا تەرگەۋ امالدارى جۇرگىزىلۋدە، - دەپ حابارلادى ماڭعىستاۋ وبلىستىق پوليتسيا دەپارتامەنتى.
"ادىرنا" ۇلتتىق پورتالى
