Қазақстан президенті Қасым-Жомарт Тоқаев комиссия құрамына Президент Әкімшілігінің қызметкерлері кіргенін мәлімдеді, деп хабарлайды "Адырна" ұлттық порталы
Ол Республикалық жедел штабтың тұрақты жұмыс істеп жатқанын атап өтті.
Комиссияға еліміздегі тұрақтылық мүддесі үшін туындаған мәселенің екі тарапқа да қолайлы шешімін табу тапсырылды. Құқық қорғау органдарына қоғамдық тәртіптің бұзылмауын қадағалау тапсырылды. Демонстранттар жауапкершілік пен диалогқа дайын болуы керек, деді Қазақстан Президенті Қасым-Жомарт Тоқаев.
2 қаңтарда Жаңаөзен тұрғындары сұйытылған газ бағасына наразылықтарын білдіргені белгілі болды. Бағаның көтерілу себебін Энергетика министрлігі түсіндірді.
2022 жылдың 1 қаңтарынан бастап СКГ саудасының тауар биржаларына толық көшуі жүзеге асырылды. Маңғыстау облысына қаңтар айында жеткізілген сұйытылған газдың орташа көтерме бағасы тоннасына 133 126 теңгені немесе литріне 78 теңгені құрады. Бұл ретте бөлшек сауда бағасы Ақтау, Жаңаөзен қалаларында, сондай-ақ Маңғыстау облысында литріне 100-120 теңгені құрады.
ҚР ЭМ баспасөз қызметі
Желтоқсанның 2-сі күні өткен брифингте Маңғыстау облысының энергетика және тұрғын үй-коммуналдық шаруашылық басқармасының басшысы Бердібек Қартбаев бүгінде облыста қажетті газ көлемі бар екенін атап өтті. Зауыттар қалыпты жұмыс істеп, жеткізу кестеге сай жүргізілуде.
Кейін мемлекет басшысының тапсырмасын орындау мақсатында үкімет сұйытылған мұнай газының (СКГ) бағасын реттеу бойынша кешенді шараларды жүзеге асыратыны белгілі болды.
"Адырна" ұлттық порталы
