"كاسپيدىڭ" 19 قالاداعى بولىمشەلەرى جۇمىسىن قايتا باستادى

1849
Adyrna.kz Telegram

Kaspi.kz بۇكىل قازاقستان بويىنشا بولىمشەلەرىن ىسكە قوسۋ جۇمىسىن جالعاستىرۋدا. بۇگىندە 19 قالادا 107 Kaspi.kz بولىمشەسىنىڭ 63-ءى اشىلعان دەپ حابارلايدى "ادىرنا" ۇلتتىق پورتالى.

"Kaspi.kz كومانداسى بۇكىل ەل بويىنشا بولىمشەلەرىنىڭ جۇمىسىن جىلدام قالپىنا كەلتىرۋدە. الماتىداعى بولىمشەلەرىمىز بەن بانكوماتتارىمىز باسقالارعا قاراعاندا كوپ زيان شەككەنىنە قاراماستان، ءبىز مەملەكەتكە كەلتىرىلگەن شىعىندى وتەۋ تۋرالى ءوتىنىش جاسامايمىز", — دەدى Kaspi.kz باسشىسى جانە تەڭ قۇرىلتايشىسى ميحايل لومتادزە.

ء"بىزدىڭ باستى ماقساتىمىز - كليەنتتەرىمىزگە ىڭعايلى بولۋ ءۇشىن بارلىق بولىمشەلەردى مۇمكىندىگىنشە تەزىرەك قايتا اشۋ. بۇعان قوسىمشا ءبىزدىڭ بارلىق ونىمدەرىمىز بەن قىزمەتتەرىمىز Kaspi.kz ءموبيلدى قوسىمشاسى ارقىلى قولجەتىمدى", - دەپ اتاپ ءوتتى ول.

بولىمشەلەر ساعات 9.00-دەن 18.00-گە دەيىن ستاندارتتى كەستە بويىنشا جۇمىس ىستەيدى. الداعى ۋاقىتتا باسقا بولىمشەلەر دە جۇمىسىن جالعاستىرادى. جاقىن جەردەگى بولىمشەنىڭ ىستەپ تۇرعانىن Kaspi.kz سۋپەر قوسىمشاسىنداعى KaspiMaps قىزمەتىمەن تەكسەرۋگە بولادى.

13 قاڭتاردا ءوز جۇمىسىن جالعاستىرعان  فيليالدار مىنالار:

  1. نۇر-سۇلتان – 12 فيليال;
  2. الماتى – 1;
  3. قىزىلوردا – 1;
  4. كوكشەتاۋ – 1;
  5. پەتروپاۆل – 2;
  6. ورال – 3;
  7. شىمكەنت – 5;
  8. قاراعاندى ​​– 5;
  9. جەزقازعان – 1;
  10. ساتباەۆ – 1;
  11. سەمەي – 2;
  12. وسكەمەن – 4;
  13. اتىراۋ – 5;
  14. قۇلسارى – 2;
  15. قوستاناي – 5;
  16. پاۆلودار – 3;
  17. اقتوبە – 5;
  18. اقتاۋ – 3;
  19. ەكىباستۇز – 1.

بارلىق قىزمەتتەر Kaspi.kz سۋپەر قوسىمشاسىندا قولجەتىمدى! بۇكىل قازاقستان بويىنشا Kaspi QR ارقىلى تولەم جاساپ، كوممۋنالدىق قىزمەت اقىسىن تولەۋگە، ۇيالى تەلەفوندى تولتىرۋعا جانە شوتتاردى تولەۋگە، اقشا اۋدارىمدارىن جاساۋعا، دەپوزيت اشۋعا، تەگىن جەتكىزۋ ارقىلى Kaspi.kz-تەگى ماگازيندە تاۋار ساتىپ الۋعا بولادى.

 

"ادىرنا" ۇلتتىق پورتالى

پىكىرلەر