اقش-تا ۋكراينا مەن اقش دەلەگاتسيالارى اراسىنداعى بەيبىتشىلىك كەلىسىمىن ازىرلەۋ جونىندەگى كەلىسسوزدەر ءوتتى، دەپ حابارلايدى "ادىرنا" ۇلتتىق پورتالى.
بۇل تۋرالى ۋكراينا ۇلتتىق قاۋىپسىزدىك جانە قورعانىس كەڭەسىنىڭ حاتشىسى رۋستەم ۋمەروۆ حابارلادى. ول كەلىسسوز ناتيجەسىن پرەزيدەنت ۆلاديمير زەلەنسكيگە بايانداعان.
اقش-تىڭ ناتو-داعى تۇراقتى وكىلى مەتت ۋيتاكەردىڭ ايتۋىنشا، پروتسەسس سوڭعى كەزەڭگە جەتىپ، نەگىزگى ماسەلەلەردى شەشۋ ءۇشىن تاراپتاردىڭ بارلىعى بەلسەندى جۇمىس ىستەۋى ءتيىس. ونىڭ پىكىرىنشە، بەيبىتشىلىك كەلىسىمىنە قول جەتكىزۋگە بولادى.
اقش مەملەكەتتىك حاتشىسى ماركو رۋبيونىڭ مالىمەتىنشە، رەسەي مەن ۋكراينا وسى اپتادا نەمەسە قاڭتار ايىندا ىمىراعا كەلۋى مۇمكىن. سوعىستى اياقتاۋ بويىنشا جۇمىس تاۋلىك بويى جالعاسىپ جاتىر.
رەسەي پرەزيدەنتىنىڭ ارنايى ۋاكىلى كيريلل دميتريەۆ اقش پرەزيدەنتىنىڭ ارنايى ۋاكىلى ستيۆ ۋيتكوفف جانە كەڭەسشى دجارەد كۋشنەرمەن كەزدەسۋ ءۇشىن ماياميگە ۇشىپ بارعان.
Reuters اگەنتتىگىنىڭ حابارلاۋىنشا، ۋكراينا قاتىساتىن ۇشجاقتى كەزدەسۋ ازىرگە جوسپارلانباعان، ال كەلىسسوزدەر ەكى كۇنگە سوزىلادى.
