رەسەي پرەزيدەنتى ۆلاديمير ءپۋتيننىڭ جاڭا جىلدىق قۇتتىقتاۋى قايتا جازىلمادى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ جاريالادى، دەپ حابارلايدى “ادىرنا” ۇلتتىق پورتالى.
«جوق، بۇل دۇرىس ەمەس»، - دەدى ول قۇتتىقتاۋلار جاڭادان جازىلعانى تۋرالى ريا نوۆوستي باسىلىمىنا تۇسىنىكتەمە بەرىپ.
پەسكوۆ وسى اپتانىڭ باسىندا ءپۋتيننىڭ جاڭا جىلدىق قۇتتىقتاۋىنىڭ ەگجەي-تەگجەيلەرىن ايتۋدان باس تارتىپ، رەسەيلىكتەردى جاڭا جىل قارساڭىنداعى ۇندەۋىنىڭ مازمۇنىن ۇعىنۋعا شاقىردى.
وتكەن جىلى ءپۋتيننىڭ ەل حالقىنا توعىز مينۋتتىق جاڭا جىلدىق ۇندەۋى ادەتتەگىدەي كرەمل فونىندا ەمەس، وڭتۇستىك اسكەري وكرۋگىنىڭ شتاب-پاتەرىندە اسكەري قىزمەتكەرلەردىڭ قورشاۋىندا جازىلعان. سول كەزدە پرەزيدەنت بۇل جىل ەلىمىزدىڭ تولىق ەگەمەندىگىن الۋ جولىنداعى ماڭىزدى قادامدار، «شىنايى بەتبۇرىس جانە تاعدىرلى وقيعالار» كەزەڭى ەكەنىن ايتتى.
جەلتوقساننىڭ 14-ءى كۇنگى تىكەلەي ەفيردە پۋتين رەسەيلىكتەرگە جاڭا جىلدىق مەرەكەلەردى وتباسىمەن بىرگە وتكىزۋگە كەڭەس بەردى. مەرەكە كۇندەرى كوپتەگەن ءىس-شارالاردى تابۋعا بولاتىنىن، ەڭ باستىسى، وتباسىمەن جانە دوستارىمەن ۋاقىت وتكىزۋگە بولاتىنىن اتاپ ءوتتى. كەيىن ءپۋتيننىڭ ءوزى جاڭا جىلدى جاقىندارىمەن بىرگە شامپان ءىشىپ قارسى الاتىنىن ايتتى.
