كرەمل كونستيتۋتسياعا وزگەرىس ەنگىزۋ ماسەلەسىن داۋىسقا سالۋ مەن جەڭىس شەرۋىن ءبىر كۇندە - 24 ماۋسىمدا وتكىزۋدى كوزدەيدى. بۇل تۋرالى ربك پرەزيدەنت اكىمشىلىگىنە جاقىن ءتورت دەرەككوزگە سىلتەمە جاساپ حابارلادى دەپ جازادى centralasian.org.
جەڭىس شەرۋىن 24 ماۋسىمدا وتكىزۋ جوسپاردا بار. ءدال وسى كۇنى 1945 جىلى ۇلى وتان سوعىسىنداعى جەڭىسكە وراي اسكەري شەرۋ وتكەن.
پرەزيدەنت اكىمشىلىگىنە جاعىندىعى بار دەرەككوزدەردىڭ پىكىرىنشە، ماۋسىم ايىنا جوسپارلانعان شەرۋ كوروناۆيرۋس ەپيدەمياسىنا بايلانىستى جاريالانعان شەكتەۋلەردەن شارشاعان حالىقتىڭ ەڭسەسىن كوتەرۋى كەرەك. بۇعان قوسا، كرەمل ءدال وسى كۇنى كونستيتۋتسيالىق زاڭدى داۋىسقا سالۋدى كوزدەپ وتىر. 24 ماۋسىم بيىل دەمالىسقا سايكەس كەلەدى.
كونستيتۋتسياعا وزگەرىس ەنگىزۋدى قاراستىراتىن زاڭدى داۋىسقا سالۋدى پرەزيدەنت ۆلاديمير پۋتين كەيىنگە قالدىرعانىن 25 ناۋرىزدا جاريالاعان. ال ءساۋىردىڭ ورتاسىندا جەڭىس شەرۋى كەيىن وتەتىنى ءمالىم بولدى. سول كەزدە پۋتين بۇل شارالاردىڭ ناقتى قاي كۇنى وتەتىنىن ايتپادى.
19 مامىرداعى مالىمەت بويىنشا، رەسەيدە كوروناۆيرۋس جۇقتىرعاندار سانى 300 مىڭعا جۋىقتادى.
