Kreml Konstıtýııaǵa ózgeris engizý máselesin daýysqa salý men Jeńis sherýin bir kúnde - 24 maýsymda ótkizýdi kózdeıdi. Bul týraly RBK prezıdent ákimshiligine jaqyn tórt derekkózge silteme jasap habarlady dep jazady centralasian.org.
Jeńis sherýin 24 maýsymda ótkizý josparda bar. Dál osy kúni 1945 jyly Uly Otan soǵysyndaǵy jeńiske oraı áskerı sherý ótken.
Prezıdent ákimshiligine jaǵyndyǵy bar derekkózderdiń pikirinshe, maýsym aıyna josparlanǵan sherý koronavırýs epıdemııasyna baılanysty jarııalanǵan shekteýlerden sharshaǵan halyqtyń eńsesin kóterýi kerek. Buǵan qosa, Kreml dál osy kúni konstıtýııalyq zańdy daýysqa salýdy kózdep otyr. 24 maýsym bıyl demalysqa sáıkes keledi.
Konstıtýııaǵa ózgeris engizýdi qarastyratyn zańdy daýysqa salýdy prezıdent Vladımır Pýtın keıinge qaldyrǵanyn 25 naýryzda jarııalaǵan. Al sáýirdiń ortasynda Jeńis sherýi keıin ótetini málim boldy. Sol kezde Pýtın bul sharalardyń naqty qaı kúni ótetinin aıtpady.
19 mamyrdaǵy málimet boıynsha, Reseıde koronavırýs juqtyrǵandar sany 300 myńǵa jýyqtady.
