"Pýtın soǵys ashqan soń qazaq tilin úırenem deýshilerdiń sany artty. Bolashaq kerek bolsa tilimizdi qolǵa alýymyz kerek". Bul pikirdi "Aıttym Sálem!" qazaqsha sóılesý klýbynyń negizin qalaýshy Zarına Baımýsına "Til kespek joq" basylymyna bergen suhbatynda aıtty, dep jazady "Adyrna" ulttyq portaly.
"Pýtın soǵys ashqan soń klýbqa keletin adamdar sany artty. Mobılızaııadan soń qazaq tilin úırenýge reseılikter de keldi. Qazaq tilimizdi úırenip, qazaqtyń salt-dástúrimen tanysyp júr. Ózderin mádenıetti ustaıdy jáne bizge qurmetpeı qaraıdy", - deıdi Zarına Baımýsına.
Onyń aıtýynsha, qazaq tili qazaqtarǵa nonsens bolmaýy tıis.
"Jaqynda Japonııadan qurbym keldi. Ol qazaqtarǵa qazaq tilin úıretip júrgenime tań qaldy. Keıin Qazaqstan postsovettik elder qatarynda bolǵandyqtan til máselesi osyndaı jaǵdaıda ekenin túsindirdim. Qazaq tili boıynsha sóılesý klýbtary ýaqyt kele jabylýy kerek. Sebebi ana tildi bilý qazaqtarǵa nonsens bolmaýy tıis. Óz elimizde jetim bala sııaqty ómir súrý durys emes. Bolashaq kerek bolsa tilimizdi qolǵa alýymyz kerek. Sondyqtan halyq qazaq tilinde aqparat surap, talap etýi tıis", - deıdi ol.
"Adyrna" ulttyq portaly
