ەلدى شۋلاتقان باعدارلاما بۇگىندە تەلەديداردا كورسەتىلىمدە جوق. وعان سەبەپ، ەلىمىزدە بولعان لاڭكەستىك سالدارى. بۇلىكشىلەر بۇل ستۋديانى توناپ، ورتەپ جىبەرگەن.بۇل تۋرالى Caravan.kz مەديا پورتالى حابارلايدى.
بىرنەشە جىلدان بەرى شىعىپ كەلە جاتقان "Qos Like" جانە ء"بىر بولايىق" باعدارلامالارى تۇسىرىلەتىن تەلەستۋدياعا زاقىم كەلگەن. ەكى باعدارلاما دا ءبىر جەردە تۇسىرىلەدى. ء"بىر بولايىقتىڭ" رەداكتورى ءارى جۇرگىزۋشىسى شاھ-كەرىم كارمەنوۆ ستۋدياعا شابۋىل جاسالماس بۇرىن، ياعني 5 قاڭتاردا ەلدە وسىنداي جاعداي بولىپ جاتقاندا ەفيرگە شىعا المايتىندارىن ايتقان ەدى.
ودان كەيىن ستۋدياعا شابۋىل جاسالىپ، بىرنەشە كۇننەن بەرى ەفيردەن كورسەتىلمەدى. كەشە "Qos Like" باعدارلاماسىنىڭ جۇرگىزۋشىسى ديانا سكاتوۆا ورتەنىپ كەتكەن ستۋديانىڭ الدىنان فوتو جۇكتەدى. توناۋشىلار ونداعى كيىم-كەشەك، جارامدى زاتتاردىڭ ءبىرازىن ۇرلاپ كەتكەن.
جالپى، وسى باعدارلاماعا قاتىستى قوعامدا ەكى ءتۇرلى پىكىر بار. ءبىر كەزدەرى ءتىپتى پرەزيدەنتتىڭ اتىنا دا حات جازىپ، جابۋ قاجەتتىگىن ايتقان قوعام بەلسەندىلەرى بولعان.
"بۇلىكشىلەردىڭ جاساعان ەڭ دۇرىس ءىسى وسى بولدى-اۋ", "ەندى بۇل قۋانىشتى جاڭالىق", "ساۋاپ بولعان ەكەن. كىم ورتەپ كەتسە دە راحمەت", "ساۋاپتى ءىس جاساعان ەكەن از ءالى، "وسى ءبىر بولايىق باعدارلامانى تۇبىمەن تۇرىك قاتىنمەن قوسىپ ورتەپ جىبەرۋ كەرەك. قازاق جاستارىن سايقى مازاق قىلدى. اقىماق قاتىسۋشىلار", دەپ وقىرماندار پىكىرلەرىن جازدى.
ەسكە سالساق، ەلىمىزدە ورىن العان جاپپاي تارتىپسىزدىكتەر كەزىندە اسكەريلەر مەن ءتارتىپ ساقشىلارى زارداپ شەكتى. ال بۇلكىشىلەر اراسىندا تەرروريستەر بولعانى ءمالىم بولدى. ءبىر عانا الماتى قالاسىنا 20 مىڭداي لاڭكەس شابۋىل جاساعان.ولار اكىمشىلىك عيماراتتاردى قيراتىپ، دۇكەندەردى تونالى، ورتەدى. پرەزيدەت قاسىم-جومارت توقاەۆ 19 قاڭتارعا دەيىن ەلدە توتەنشە جاعداي جاريالادى.
“ادىرنا” ۇلتتىق پورتالى
