پرەزيدەنت قاسىم-جومارت توقاەۆ 25 قاڭتاردا ديپلوماتيالىق قاتىناستاردىڭ 30 جىلدىعىنا ارنالعان «ورتالىق ازيا – قحر» اتتى سامميتكە قاتىسادى، دەپ حابارلايدى "ادىرنا" ۇلتتىق پورتالى.
بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى.
ونلاين فورماتتا وتەتىن جيىنعا قىتاي تاراپى باستاماشى بولدى. كوشباسشىلار ءتۇرلى سالالار بويىنشا ورتالىق ازيا ەلدەرى مەن قىتاي اراسىنداعى كوپجاقتى ستراتەگيالىق ىنتىماقتاستىقتىڭ دامۋ پەرسپەكتيۆالارىن تالقىلايدى. ءىس-شارا قورىتىندىسى بويىنشا ديپلوماتيالىق قاتىناستاردىڭ 30 جىلدىعىنا بايلانىستى بىرلەسكەن مالىمدەمە قابىلدانادى دەپ جوسپارلانعان، - دەلىنگەن جازبادا.
"ادىرنا" ۇلتتىق پورتالى