پرەزيدەنت قاسىم-جومارت توقاەۆ ءوزىنىڭ Twitter-دەگى پاراقشاسىندا مەملەكەتتىڭ حالىقارالىق قارىم-قاتىناسىنا قاتىستى بىرنەشە تەزيس جاريالادى.
"قازاقستان حالىقارالىق قوعامداستىقپەن جان-جاقتى ىنتىماقتاستىققا ارقاشان دايىن. ەلىمىز بەن حالقىمىزدىڭ يگىلىگى ءۇشىن سەرىكتەستەرىمىزبەن اراداعى تىعىز بايلانىستاردى نىعايتۋ ءىسىن جالعاستىرامىز. ءبىزدىڭ "اشىق ەسىك" ينۆەستيتسيالىق ساياساتىمىز دا وزگەرمەيدى", - دەپ جازدى ول.
24 قاڭتاردا توقاەۆ تاتارستان باسشىسى رۋستام ميننيحانوۆپەن كەزدەستى. ولار ساۋدا-ەكونوميكا، ونەركاسىپ جانە تەحنولوگيا سالالارىنداعى ىنتىماقتاستىق ماسەلەلەرىن تالقىلادى.
قازاقستان پرەزيدەنتى تاتارستاننىڭ قازاقستانمەن ەكونوميكالىق، ونەركاسىپتىك جانە تەحنولوگيالىق ىنتىماقتاستىق بويىنشا رەسەي فەدەراتسياسى سۋبەكتىلەرى اراسىندا كوش باستاپ تۇرعانىن اتاپ ءوتتى. 2021 جىلدىڭ 11 ايىنىڭ قورىتىندىسى بويىنشا تاتارستانمەن ءوزارا تاۋار اينالىمى 423 ميلليون دوللار بولعان.
“ادىرنا” ۇلتتىق پورتالى
