Prezident Qasym-Jomart Toqaev özınıŋ Twitter-degı paraqşasynda memlekettıŋ halyqaralyq qarym-qatynasyna qatysty bırneşe tezis jariialady.
"Qazaqstan halyqaralyq qoǧamdastyqpen jan-jaqty yntymaqtastyqqa ärqaşan daiyn. Elımız ben halqymyzdyŋ igılıgı üşın serıktesterımızben aradaǧy tyǧyz bailanystardy nyǧaitu ısın jalǧastyramyz. Bızdıŋ "aşyq esık" investisiialyq saiasatymyz da özgermeidı", - dep jazdy ol.24 qaŋtarda Toqaev Tatarstan basşysy Rustam Minnihanovpen kezdestı. Olar sauda-ekonomika, önerkäsıp jäne tehnologiia salalaryndaǧy yntymaqtastyq mäselelerın talqylady. Qazaqstan prezidentı Tatarstannyŋ Qazaqstanmen ekonomikalyq, önerkäsıptık jäne tehnologiialyq yntymaqtastyq boiynşa Resei Federasiiasy subektılerı arasynda köş bastap tūrǧanyn atap öttı. 2021 jyldyŋ 11 aiynyŋ qorytyndysy boiynşa Tatarstanmen özara tauar ainalymy 423 million dollar bolǧan.
“Adyrna” ūlttyq portaly
