Qazaqstan Japoniiaǧa jylqy etın eksporttauǧa daiyndalyp jatyr, dep habarlaidy "Adyrna" ūlttyq portaly.
Qaraǧandy oblystyq «Qazaqstan fermerler odaǧy» RQB filialynyŋ töraǧasy İgor Jabiak Japoniiaǧa jylqy etın jetkızuge daiyndyq barysy turaly aitty.
Japoniia astanasy Tokioda ötken sammit aiasynda Ulysmedia tılşısıne sūhbat bergen İgor Jabiak būl baǧyttaǧy kelıssözder soŋǧy bes jyl boiy jürgızılıp kele jatqanyn jetkızdı. Onyŋ aituynşa, pandemiia kezeŋınde jūmystar uaqytşa toqtaǧanymen, biyl japon tarapy Qazaqstanǧa arnaiy kelıp, öz talaptary men ūsynystaryn tanystyrǧan.
Fermerdıŋ sözınşe, Japoniia azyq-tülık qauıpsızdıgıne asa joǧary talap qoiady. Osyǧan bailanysty qazaqstandyq tarap barlyq standarttarǧa sai bolu üşın bırqatar şara qabyldaǧan.
"Japondar talaptyŋ bärın egjei-tegjeilı tekseredı. Sol sebeptı bız öz zerthanamyzdy aşyp, akkreditasiiadan öttık. Būl – Japoniiaǧa jylqy etın importtauşylar tızımıne enu üşın qajet qadam. Qazır būl kelısımnıŋ jüzege asuyna bır taban qaldy dep oilaimyn. Eŋ bastysy – ükımetaralyq deŋgeide jetkızu men yntymaqtastyq turaly hattamaǧa qol qoiylsa deimız", — dedı İgor Jabiak.
Jobaǧa Qazaqstannyŋ auyl şaruaşylyǧy ministrlıgı, sauda jäne integrasiia ministrlıgı, sondai-aq «Kazakh Invest» ūlttyq kompaniiasy qoldau körsetıp otyr. Jabiaktıŋ aituynşa, japon naryǧy qazaqstandyq jylqy etıne joǧary qyzyǧuşylyq tanytqan.
Jospar boiynşa, eksport Qaraǧandy oblysy Abai audanynan jüzege asady. Qazırgı taŋda būl öŋırde şamamen 3 myŋǧa juyq jylqy bar. Al Japoniia ai saiyn 100 bas, iaǧni jylyna şamamen 1 000 jylqy etın satyp aluǧa daiyn.
