قازاق ەسترداسانىڭ بەلگىلى ءانشىسى نۇرلان البان ءوزىنىڭ Facebook-تاعى پاراقشاسىنا بيلىكتەگى بەلگىسىز بىرەۋگە قارسى جاۋاپ بەردى، دەپ حابارلايدى "ادىرنا" ءتىلشىسى.
25 قاڭتار كۇنى نۇرلان البان الەۋمەتتىك جەلىگە "كىشكەنتاي شولاق باستىققا!" دەگەن ۆيدەوۇندەۋىن جاريالاپ، وندا وعان بيلىكتەگى ءبىر ازاماتتىڭ حابارلاسىپ، ء"سىز اداسىپ جۇرگەن سياقتىسىز، تىپ-تىنىش ءانىڭىزدى ايتىپ جۇرە بەرسەڭىزشى، بولاشاعىڭىزدى ويلامايسىز با؟" دەپ سەس كورسەتكەنىن باياندادى. ءانشىنىڭ بولجاۋىنشا حابارلاسقان "شولاق باستىق", ونىڭ جەلىلەردەگى مەملەكەتتە ورىن الىپ جاتقان وقيعالارعا دەگەن جەكە پىكىرىن مەڭزەپ وتىر دەيدى.
ءوزىنىڭ ۆيدەوۇندەۋىندە نۇرلان البان:
"اسا قۇرمەتتى كىشكەنتاي باستىق! مەن ءۇشىن باسىڭ قاتپاسىن! مەن ءۇشىن ءومىر سۇرمەيا قوي! سەنىڭ ءومىرىڭ وزىڭدە، مەنىڭ ءومىرىم وزىمدە. بىرىنشىدەن، مەن ارتىم قازىلادى، بولاشاعىم نە بولادى دەپ ويلايتىن قازىر مەندە ۋاقىت جوق. مەنىڭ بولاشاعىم بالالارىم. ەكىنشىدەن، ءان ايتام با، باسقا نارسەنى ايتامىن با ول مەنىڭ جەكە قالاۋىم. ۇشىنشىدەن، مەملەكەتتىك توڭكەرىسكە ارالاسىپ جاتقان جوقپىن. بىرەۋدى اداستىرىپ جاتقان جوقپىن. وسىنداي جاعدايدا الىپ قوياتىنداي مەملەكەتتىڭ تاراپىنان بەرگەن اتاق-داڭقتارىڭ دا جوق! الساڭدار، نەلەرىڭدى الاسىڭدار؟ بالكىم، كوللەدجدەگى 45 000 تەڭگە ايلىققا بەرىپ جۇرگەن ساباعىمنان ايىرارسىڭ. بىلگەنىڭدى ىستە!" دەپ جاۋاپ بەردى.
"ادىرنا" ۇلتتىق پورتالى
