Qazaq estrdasanyŋ belgılı änşısı Nūrlan Alban özınıŋ Facebook-taǧy paraqşasyna bilıktegı belgısız bıreuge qarsy jauap berdı, dep habarlaidy "Adyrna" tılşısı.
25 qaŋtar künı Nūrlan Alban äleumettık jelıge "Kışkentai şolaq bastyqqa!" degen videoündeuın jariialap, onda oǧan bilıktegı bır azamattyŋ habarlasyp, "sız adasyp jürgen siiaqtysyz, typ-tynyş änıŋızdı aityp jüre berseŋızşı, bolaşaǧyŋyzdy oilamaisyz ba?" dep ses körsetkenın baiandady. Änşınıŋ boljauynşa habarlasqan "şolaq bastyq", onyŋ jelılerdegı memlekette oryn alyp jatqan oqiǧalarǧa degen jeke pıkırın meŋzep otyr deidı.
Özınıŋ videoündeuınde Nūrlan Alban:
"Asa qūrmettı kışkentai bastyq! Men üşın basyŋ qatpasyn! Men üşın ömır sürmeia qoi! Senıŋ ömırıŋ özıŋde, menıŋ ömırım özımde. Bırınşıden, men artym qazylady, bolaşaǧym ne bolady dep oilaityn qazır mende uaqyt joq. Menıŋ bolaşaǧym balalarym. Ekınşıden, än aitam ba, basqa närsenı aitamyn ba ol menıŋ jeke qalauym. Üşınşıden, memlekettık töŋkerıske aralasyp jatqan joqpyn. Bıreudı adastyryp jatqan joqpyn. Osyndai jaǧdaida alyp qoiatyndai memlekettıŋ tarapynan bergen ataq-daŋqtaryŋ da joq! Alsaŋdar, nelerıŋdı alasyŋdar? Bälkım, kolledjdegı 45 000 teŋge ailyqqa berıp jürgen sabaǧymnan aiyrarsyŋ. Bılgenıŋdı ıste!" dep jauap berdı.
"Adyrna" ūlttyq portaly
