باستى بەت
جاڭالىقتار
"التىن وردا بازارى" جشس ءماجبۇرلى تۇردە تاراتىلۋى ءتيىس ەدى

"التىن وردا بازارى" جشس ءماجبۇرلى تۇردە تاراتىلۋى ءتيىس ەدى

27.01.2022

2639

https://adyrna.kz/content/uploads/2022/01/ea71461e-f232-4df6-a478-f0f9226314e7.jpeg

الماتى وبلىسى قاراساي اۋدانىنىڭ مەملەكەتتىك كىرىستەر باسقارماسى وكىلى "التىن وردا بازارى" جشس نەگە تاراتىلعانىن ءتۇسىندىردى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.

بۇعان دەيىن باق-تا "التىن وردا بازارى" قاراساي اۋدانى سالىق دەپارتامەنتىنىڭ ارىزى بويىنشا الماتى وبلىسىنىڭ اۋدانارالىق ەكونوميكالىق سوتى شەشىمىمەن تاراتىلعانى تۋرالى اقپارات تاراعان بولاتىن.
مەملەكەتتىك كىرىستەر باسقارماسى باسشىسىنىڭ ورىنباسارى اناربەك سەيىتوۆ جشس تاراتىلعانىن، سەبەبى كومپانيا ەشقانداي ارەكەت ەتپەگەنىن ايتتى.
"سالىق كودەكسىنىڭ 93-بابىنا سايكەس "التىن وردا بازارى" جشس ءماجبۇرلى تۇردە تاراتىلۋى ءتيىس ەدى. جشس ەسەپ بەرمەگەن، ەكسپورت-يمپورت وپەراتسيالارىن جۇرگىزبەگەن. سوندىقتان سوتقا بەردىك.

بارلىعى جۇمىس ىستەپ تۇرعان "التىن وردا" بازارى دەپ ويلادى. ءىس جۇزىندە ونىڭ مەنشىك يەلەرى - باسقا جشس. باق-تان وقىدىم، بىراق بۇل - جاي عانا اتاۋ. 93-باپ بويىنشا ولار سوتقا ءماجبۇرلى تاراتۋ تۋرالى ءوتىنىش بەردى، شەشىم شىقتى.

بازار جۇمىس ىستەيدى، وندا باسقا دا كاسىپورىندار بار. بازارعا KURYLYS LTD جشس جانە Altyn Orda Qaz Trade Ltd جشس يەلىك ەتەدى. "التىن وردا بازارى" جشس بۇرىن بازاردى باسقارعان، ونىڭ قۇرىلتايشىلارى 2000 جىلداردىڭ باسىندا بازار يەلەرى بولعان. كومپانيا ءۇش جىلدان اسا ۋاقىت جۇمىس ىستەپ كەلەدى", - دەدى قاراساي اۋدانى بويىنشا مەملەكەتتىك كىرىستەر باسقارماسى باسشىسىنىڭ ورىنباسارى اناربەك سەيىتوۆ.
سونداي-اق، ول جىل سايىن باسقارما سالىق ەسەبىن ۇسىنبايتىن، سالىق تولەمدەرىن، يمپورت، ەكسپورت وپەراتسيالارىن جۇزەگە اسىرمايتىن كومپانيالار ءتىزىمىن جينايتىنىن ايتتى. ەگەر كومپانيا تالاپ قويۋ مەرزىمى بويىنشا، ياعني ءۇش جىلدان اسا ەسەپ بەرمەسە، ءماجبۇرلى تۇردە تاراتىلادى.
“ادىرنا” ۇلتتىق پورتالى