ەندى قازاقستاندا زەينەت جاسىنا جاقىنداعانداردى جۇمىسقا قابىلداعان مەكەمەلەرگە سۋبسيديا تولەنەدى، دەپ حابارلايدى "ادىرنا" ۇلتتىق پورتالى "Qazaqstan" ارناسىنا سىلتەمە جاساپ.
بۇل باعىتتا "كۇمىس جاس" رەسپۋبليكالىق جوباسى ىسكە قوسىلماق. باعدارلامانى قاراعاندى وبلىسى باستايدى. بيىلعا جوسپار – 534 ادام.
اعا بۋىن وكىلدەرىنە جۇمىسقا قايتا ورنالاسۋ وتە قيىن. جاڭا جوبا وسىنداي ساناتتاعى ادامدارعا زەينەتكە شىققانعا دەيىن تۇراقتى جۇمىس تابۋعا كومەكتەسەدى. ولاردى قابىلداۋعا نيەت بىلدىرگەن جۇمىس بەرۋشىنىڭ جالاقىسى سۋبسيديالانادى. اي سايىن مەملەكەت تاراپىنان 30 اەك كولەمىندە اقشا تولەنەدى. بۇل 91 890 تەڭگە.
جۇمىس ىزدەۋشى رەتىندە تىركەلۋ ءۇشىن جۇمىسپەن قامتۋ ورتالىقتارىنا نەمەسە "ەnbek" ەلەكتروندىق ەڭبەك بيرجاسىنا جۇگىنۋ قاجەت.
"ادىرنا" ۇلتتىق پورتالى.
