موڭعوليادا 170 مىڭنان استام قازاق بار. اتامەكەنگە كوشىپ كەلگەندەرى 100 مىڭنىڭ توڭىرەگىندە. بىراق سول 170 مىڭ قازاقتا 2 ملننان استام قوي-ەشكىسى بار. وعان جىلقى، سيىر، تۇيەسىن قوسپادىق.
قويدىڭ ءوزى بولعاندا بۋدانداسپاعان ناعىز قازاقى قىزىل قويلار. بۇل قويلاردىڭ سانى قازاقستاندا وتە سيرەك، ءتىپتى جوعالىپ بارا جاتقانى انىق.
ءبىزدىڭ سوۆەت ۇكىمەتى كەزىندە ايتىپ جۇرگەن ەدىلباي، ىرعىز، سارىسۋ، ورىس، قارقارالى، قۇيرىقتى قويلارى سۇرىپتاۋ ارقىلى شىققان قولتۇقىمدار. موڭعولياداعى قازاقى قويلار ءبىزدىڭ تازا ءجۇندى قىزىل قويلارىمىز.
ۇلى بابالارىمىز بۇل قويدى VI عاسىردان باستاپ قولعا ءوسىرىپ، ەش بۋدانداستىرۋسىز، قازاق حالقىنا جەتكىزگەن. بۇل قويلاردىڭ ەرەكشەلىگى ارقانىڭ قاتال قىسى مەن التايدىڭ قارا سۋىعىنا بەيىمدەلگەن. سوندىقتان بولار بايان-ولگەيدەگى قانداستارىمىز ءالى كۇنگە دەيىن ساقتاپ، ءوسىرىپ كەلە جاتقانى.
70 ملننان استام قوي-ەشكىسى بار موڭعولدار بۇل قازاقى قويدى مۇلدەم وسىرمەيدى. ولاردىڭ وزدەرىنىڭ قارا باس قويلارى بار. ەرتەڭ ءبىزدىڭ اعايىندار "موڭعول قوي" دەپ كەكەتىپ جۇرمەسىن! بارىمىزدى باعالايىق، اعايىن!
قاي ءبىر جىلى اۋستراليا مەن ەۋروپادان ۇشاقپەن قوي مەن سيىر تاسىعان ەدىك. سول، اق بانتيك تاعىپ اەروپورتتان كۇتىپ العان قويلارىمىز قازاق جەرىنە جەرسىنە الماي، ەكىنشىدەن قاتال قىسىمىزعا بەيىمدەلە الماي، اقىرى ملن-داعان اقشاعا اكەلگەن قويلار مەن سيىرلار قۇرىپ تىندى. ول دا اۋىل شارۋاشىلىعى سالاسىنداعى مامانداردىڭ مال تانىماستىعىنىن كەسىرىنەن بولعان شىعىن-دى. الگى سالانى قازاقى مال (!) شارۋاشىلىعىن مەڭگەرگەن مامان بولسا، ىرگەدەگى قازاقتىڭ قىزىل قويىن اكەلۋدى ويلاستىرۋشى ەدى.
ويتكەنى تەرىسى قالىڭ، سۋىققا ءتوزىمدى، ەتتى قىزىل قوي ۇلى تۇركى حالقىنىڭ تازا قاندى ءتورت-تۇلىگىنىڭ ءبىرى. بىراق وعان توسقاۋىل بولعان ورىس اعايىندارىمىز جانە بار. قيالعا ەرىك بەرىپ، كەيدە ويلاناسىڭ! موڭعولياداعى 170 مىڭ قازاقتى 2 ملننان استام قوي-ەشكىسىمەن اتامەكەنگە كوشىرىپ اكەلسە عوي دەپ. قازاقتىڭ سانىن كوبەيتىپ، قىزىل قويدىڭ تۇقىمىن ءوسىرىپ الاتىن...
ءتۇبى قازاق اتامەكەنگە كوشىپ كەلگەندە، 2 ملن قوي-ەشكى باي-ولكەنىڭ دالاسىندا موڭعولعا دا كەرەكسىز بولىپ، جاپان ءتۇزدىڭ تاعى قويلارىنا اينالسا، ۇرپاق الدىندا، بابا الدىندا ءبىزدىڭ سورلاعانىمىز. قازىردەن وسى ماسەلەنى، وتانداستار قورى، اۋىلشارۋاشىلىعى ماماندارى ويلاستىرسا. ءتىپتى بولماعاندا الگى ەۋروپانىڭ قويلارىن سامولەتپەن تاسىعانداي ارەكەتكە كوشسە. بۇل قويلاردى قىمباتقا ساتىپ المايسىڭ، يەسىمەن كوشىرىپ اكەلەسىڭ. سول ارقىلى قازاقتىڭ ەجەلگى تەكتى مال تۇقىمىن كوبەيتەر ەدىك... ويلاناتىن-اق، دۇنيە!
