ماڭعىستاۋ وبلىسىنداعى «وزەن» كەن ورنىندا قوسىمشا بارلاۋ جولىمەن جاڭا مۇناي شوعىرلارى تابىلدى، دەپ حابارلايدى «ادىرنا» ءتىلشىسى.
ناتيجەسىندە الىناتىن مۇناي قورىنىڭ ءوسىمى 39,9 ملن توننانى قۇرادى.
كومىرسۋتەكتەر قورىنىڭ ءوسۋى كومپانيانىڭ ەكونوميكالىق كورسەتكىشتەرىنە ايتارلىقتاي اسەر ەتەدى.
«2017 جىلى «قازمۇنايگاز» ۇك» اق، «وزەنمۇنايگاز» اق، «قمگ ينجينيرينگ» جشس گەولوگتار توبى «وزەن» كەن ورنىن قوسىمشا بارلاۋ بويىنشا ەگجەي-تەگجەيلى باعدارلاماعا باستاماشىلىق ەتتى. وسى باعدارلاما اياسىندا 2017-2021 جىلدار ارالىعىندا 3D سەيسميكالىق بارلاۋ جۇرگىزىلىپ، گەولوگيالىق تۇجىرىمداما قايتا قارالدى جانە گەولوگيالىق 3D مودەلى قۇرىلدى. جۇرگىزىلگەن جۇمىستاردىڭ ناتيجەسى بويىنشا كەن ورنىنىڭ قۇرىلىمى ناقتىلانىپ، جاڭا مۇناي كەن ورىندارى اشىلدى. سونداي-اق، «وزەن» كەن ورنىنداعى مۇناي قورى 8%-عا ءوستى، بۇل ساندىق ماندە الىناتىن قوردىڭ 39,9 ملن تونناسىن قۇرايدى»،– دەلىنگەن حابارلامادا.
