ەرجان جۇمابەكۇلى – اقىن، ءانشى، سازگەر، جۋرناليست، دوكتورانت (تۇركيا), «سەرپەر» سىيلىعىنىڭ يەگەرى، «قازاقستاننىڭ 100 جاڭا ەسىمى» جوباسىنىڭ جەڭىمپازى، «مادەنيەت سالاسىنىڭ ۇزدىگى» ءۇرجار اۋدانىنىڭ قۇرمەتتى ازاماتى. ەرجان جۇمابەكۇلىنىڭ «شەكسىزدىك شۇعىلاسى»، «Sonsuzluk Şûlesi» (تۇركيادا باسىلىپ شىققان) اتتى جىر جيناقتارى بار. تۇركيادا بىرنەشە شىعارماشىلىق كەشى وتكەن.
2017 ج. تۇركيانىڭ ىستامبۇل قالاسىندا وتكەن «Shining Star» حالىقارالىق انشىلەر سايىسىندا قازاقستاننىڭ نامىسىن قورعاۋعا بارعان «باستاۋ» توبىنىڭ ەكس-ءساليستى، ءانشى ەراسىل ابدۋاليەۆ «گاۋھارتاس» انىنە جازىلعان ەرجان جۇمابەكۇلىنىڭ تۇرىكشە ولەڭىمەن باس جۇلدەنى قانجىعالاعان. بۇگىنگى تاڭدا قازاق شوۋ بيزنەسىندەگى مارات وماروۆ، ارمان بەكسۇلتان، ۇلىقپان جولداسوۆ، موللابەرگەن يلامانوۆ، جارىلقاسىن داۋلەت، سىرىم الپىسباەۆ، راحات بايمۋرزاەۆ ت.ب. سازگەرلەرمەن تىعىز شىعارماشىلىق بايلانىستا. ونىڭ ولەڭدەرىنە جازىلعان اندەردى مارات وماروۆ، نۇرلان البان، سەرىكبول سايلاۋبەك، زيۆارا، فاريدا جولداسوۆا، ەراسىل ابدۋاليەۆ، ەرجۇما مارالبەك ەرتۋعان قۇرماشەۆ، «زامان» توبى، «سارمات» توبى ت.ب. كوپتەگەن انشىلەر ورىنداپ ءجۇر.
ەرجان جۇمابەكۇلىنىڭ قازاقشا، تۇرىكشە اندەرىنىڭ بىرەۋى تومەندەگىدەي:
