تۇركىستان وبلىسىنداعى ءورت سالدارىنان مىڭنان استام قوي قىرىلدى، دەپ حابارلايدى «ادىرنا» ءتىلشىسى.
«2022 جىلدىڭ 31 قاڭتارىندا ساعات 7.15-تە 101 پۋلتىنە بايدىبەك اۋدانىنىڭ العاباس اۋىلىنان 5 شاقىرىم جەردە شارۋا قوجالىعىنىڭ اۋماعىندا ەكى قاباتتى عيمارات ورتەنگەنى تۋرالى حابارلاما ءتۇستى. عيماراتتىڭ ءبىرىنشى قاباتىندا قارا مال، ال ەكىنشى قاباتىندا ءشوپ تۇرعان بولاتىن. شارۋا قوجالىعى مەن جاقىن جەردەگى ءورت ءسوندىرۋ ءبولىمى اراسىنداعى قاشىقتىق 40 شاقىرىمدى قۇرايدى. ءورت سوندىرۋشىلەر وقيعا ورنىنا 40 مينۋتتا جەتكەن»،– دەدى قر تجم رەسمي وكىلى تالعات ءۋالي.
ءورت سالدارىنان 1 150 باس قوي قىرىلىپ، 150 توننا ءشوپ جانىپ كەتتى. وقيعا ورنىنان قويشىنىڭ دەنەسى تابىلدى.
ايتا كەتەيىك، ءورتتى سوندىرۋگە تۇركىستان وبلىسى تج دەپارتامەنتىنىڭ 15 ءورت ءسوندىرۋشىسى مەن 4 بىرلىك تەحنيكاسى جۇمىلدىرىلدى.
«ادىرنا» ۇلتتىق پورتالى
