XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى.
بۇگىندە ولار وليمپيادالىق قالاشىقتارعا ورنالاستى. قازاقستاندىقتار شاڭعى جارىسى، فريستايل، اكروباتيكا جانە موگۋل، كونكيمەن جۇگىرۋ، شورت-ترەك، بياتلون، تاۋ شاڭعىسى، تۇعىردان سەكىرۋ، شاڭعى قوسسايىسى سياقتى 8 سپورت تۇرىنەن سىنعا تۇسەدى.
ويىنداردى «Qazaqstan»، «Qazsport»، «حابار» جانە «El arna» تەلەارنالارىنان تىكەلەي ەفيردەن كورۋگە بولادى. تورتجىلدىق دودانىڭ اشىلۋ سالتاناتى نۇر-سۇلتان ۋاقىتىمەن 4 اقپان كۇنى، ساعات 17:55-تە باستالادى.
وليمپيادانىڭ سالتاناتتى اشىلۋ راسىمىندە ەلىمىزدىڭ بايراعىن ەكى سپورتشى الىپ شىعادى. بۇل — قىسقى سپورت تۇرلەرىنەن وليمپيادادا ەل بايراعىن العاش رەت ەكى سپورتشىمىزدىڭ كوتەرۋى. ونىڭ ءبىرى - شورت-ترەكتەن قازاقستان قۇراماسىنىڭ كوشباسشىسى ابزال اجىعاليەۆ بولسا، ەكىنشىسى - كونكيشى ەكاتەرينا ايدوۆا. ەكى سپورتشىمىز دا قۇراماداعى تاجىريبەلى، جۇلدەگە تالاسۋعا مۇمكىندىگى جوعارى سپورتشىلار.
"ادىرنا" ۇلتتىق پورتالى