جاڭاوزەندە مۇعالىمدەر مەكتەپتەردى جەكەمەنشىككە بەرۋگە نارازى - دەپ حابارلايدى ”ادىرنا” ۇلتتىق پورتالى “استانا” تەلەارناسىنا سىلتەمە جاساپ.
پەداگوگتاردىڭ پىكىرىنشە، زاڭناماداعى جاڭا وزگەرىستەر ولاردىڭ جۇمىس ورىندارىنا قاۋىپ توندىرەدى. سوندىقتان قالاداعى بەس وقۋ ورنىنىڭ مۇعالىمدەرى نارازىلىق ءبىلدىردى. الايدا شەنەۋنىكتەر ۇستازداردىڭ الاڭداۋىنا نەگىز جوق ەكەنىن، سەبەبى بۇل تۋرالى تۇپكىلىكتى شەشىم ءالى قابىلدانباعانىن، جوبا ءالى دە ءمجا اياسىندا قاراستىرىلىپ جاتقانىن ايتتى.
ماڭعىستاۋ وبلىسىنىڭ ءبىلىم باسقارماسى ينۆەستيتسيا تارتىلسا، مەكتەپتەردەگى ءبىلىم مەن ماتەريالدىق-تەحنيكالىق بازا جاقسارادى دەپ سەنەدى.
"ماسەلە قازىر تالقىلانىپ جاتىر. ياعني، الدا قانداي مىندەتتەر بولادى، ول قالاي جۇزەگە اساتىنى تۋرالى ءالى شەشىم قابىلدانعان جوق. الدا ءبىلىمدى جەتىلدىرۋ جانە ماتەريالدىق-تەحنيكالىق بازانى جاقسارتۋ ماقساتى تۇر. كەيبىر مەكتەپتەردە جوندەۋ جۇمىستارى جۇرگىزىلەدى. وسىنىڭ بارلىعى كەلىسىم-شارت جاساۋ بارىسىندا تالقىلانادى", - دەدى باسقارما باسشىسىنىڭ ورىنباسارى گۇلميرا ماماەۆا.
“ادىرنا” ۇلتتىق پورتالى
