Jaŋaözende mūǧalımder mektepterdı jekemenşıkke beruge narazy - dep habarlaidy ”Adyrna” ūlttyq portaly “Astana” telearnasyna sılteme jasap.
Pedagogtardyŋ pıkırınşe, zaŋnamadaǧy jaŋa özgerıster olardyŋ jūmys oryndaryna qauıp töndıredı. Sondyqtan qaladaǧy bes oqu ornynyŋ mūǧalımderı narazylyq bıldırdı. Alaida şeneunıkter ūstazdardyŋ alaŋdauyna negız joq ekenın, sebebı būl turaly tüpkılıktı şeşım älı qabyldanbaǧanyn, joba älı de MJÄ aiasynda qarastyrylyp jatqanyn aitty.
Maŋǧystau oblysynyŋ bılım basqarmasy investisiia tartylsa, mektepterdegı bılım men materialdyq-tehnikalyq baza jaqsarady dep senedı.
"Mäsele qazır talqylanyp jatyr. Iаǧni, alda qandai mındetter bolady, ol qalai jüzege asatyny turaly älı şeşım qabyldanǧan joq. Alda bılımdı jetıldıru jäne materialdyq-tehnikalyq bazany jaqsartu maqsaty tūr. Keibır mektepterde jöndeu jūmystary jürgızıledı. Osynyŋ barlyǧy kelısım-şart jasau barysynda talqylanady", - dedı basqarma basşysynyŋ orynbasary Gülmira Mamaeva.
“Adyrna” ūlttyq portaly
