«بالانى باستان» دەپ قازاق حالقى تەگىن ايتپاعان. ال بالا تاربيەسىندەگى اتا-انانىڭ، بالا وسكەن ورتانىڭ ماڭىزدىلىعى قانشالىقتى؟
تاربيە – تال بەسىكتەن. ءومىر سۇرۋدە تاربيەنىڭ الار ورنى اسا ماڭىزدى. وتباسىداعى كورگەن تاربيە بالانىڭ كەلەشەكتەگى ءومىرءىنىڭ ىرگەتاسىن قالايدى. بالا تاربيەسىندە اتا-انانىڭ الار ورنى اسا ماڭىزدى. ادام بالانى ەمەس اۋەلگىدە ءوزىڭ دۇرىس تاربيەلەي السا بولعانى. بالاعا قانشاما رەت سوزبەن ايتساڭدا ول كورگەنىن ىستەيدى. ايەل ادام بويىنا بالا بىتكەننەن ءوزىڭ دۇرىس باعىتتا تاربيەلەپ، تەك جاقسى دۇنيەلەردى ويلاۋ ارقىلى بالاسىنىڭ قالىپتاسۋىنا تىكەلەي اسەر ەتەدى.
ۋاقىت وتە بالا مەكتەپ تابالدىرىعىن اتتاعان ساتتەن باستاپ ونىڭ تاربيەسىنە ۇستازدار قاۋىمى مەن قورشاعان ورتاسى اسەر ەتە باستايدى. حالقىمىزدا «بالانى 5 جاسقا دەيىن پاتشانداي كۇت، 5 – 15 جاسقا دەيىن قۇلىڭداي جۇمسا، 15 جاستان ارى قاراي دوسىڭداي سىرلاس» دەگەن ۇلاعاتتى ءسوز بار. ءبىر ادامنىڭ عۇمىر بويىنداعى تاربيەسىن ەكاۋىز سوزبەن قورىتىپ بەرگەن. تاربيەسى جاقسى بالانىڭ ءومىرى دە جاقسى بولارى انىق. ءجاسوسپىرىم شاقتا بالانىڭ تاربيەسى تولىقتاي قالىپتاسا باستايدى. بۇل ۋاقىت بالا ءۇشىن وتە جاۋاپتى كەزەڭ. ارقيلى دۇنيەلەرگە قىزىعىپ، ءبارىن كورگىسى، بىلگىسى كەلەتىن شاقتا انا-اناسىنىڭ دۇرىس جولدى باعىتتاپ تۇرۋى ماڭىزدى. بالاسىمەن سىرلاسىپ، ماڭىزدى تاقىرىپتا كوپ سويلەسۋ ارقىلى بالا ءوزىنىڭ اتا-اناسى ءۇشىن كەرەكتى جان ەكەنىن سەزىنىپ ومىرگە، كەلەر كۇنگە دەگەن كوزقاراسىن وزگەرتەدى. بالا ومىرىندە اتا-انانىڭ الار ورنى زور. اتا-اناسى تاراپىنان مەيىرىم مەن جاناشىرلىقتى كورىپ وسكەن بالا كەلەشەگى وزىدە وزگەلەرگە سونداي قارىم-قاتىناستا بولادى. بويىنا مەيىرىمنىڭ ساۋلەسىن ءسىڭىرىپ ونى وزگەلەرگە شاشۋ ادام تاربيەسىنىڭ بيىك ەكەنىن كورسەتەدى.
بەكزات تۋلەپبەرگەنوۆ،
«ادىرنا» ۇلتتىق پورتالى
