«وتانداستار قورى» كەاق قۇرىلتايشىسى اۋىسقانى بەلگىلى بولدى. بۇل تۋرالى قوردىڭ ءباسپاسوز حابارلاماسىندا ايتىلعان. ءباسپاسوز حابارلاماسىن وقىرمانعا وزگەرتپەستەن ۇسىنىپ وتىرمىز.
قازاقستان رەسپۋبليكاسى ۇكىمەتىنىڭ 2022 جىلعى 31 قاڭتارداعى №36 قاۋلىسىنا سايكەس قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن «وتانداستار قورى» كوممەرتسيالىق ەمەس اكتسيونەرلىك قوعامىنىڭ 50 پايىز مولشەرىندەگى اكتسيالارىنىڭ مەملەكەتتىك پاكەتىن يەلەنۋ جانە پايدالانۋ قۇقىقتارى قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنەن قازاقستان رەسپۋبليكاسىنىڭ سىرتقى ىستەر مينيسترلىگىنە بەرىلدى، - دەپ حابارلايدى «وتانداستار قورى» ءباسپاسوز قىزمەتى.
«وتانداستار قورى» كەاق (بۇدان ءارى – قوعام) الداعى ۋاقىتتا قر ءسىم-نە قاراستى قىزمەت اتقارادى.
بۇعان دەيىن قوعام اكتسيونەرلەرى قر سىرتقى ىستەرمينيسترلىگى مەن قر اقپارات جانە قوعامدىق دامۋ مينيسترلىگى بولعان.
ايتا كەتەيىك، شەتەلدەگى وتانداستارىمىزعا جان-جاقتى قولداۋ كورسەتۋ ماقساتىندا «وتانداستار قورىن» قۇرۋ تۋرالى 2017 جىلى «دۇنيەجۇزى قازاقتارىنىڭ V قۇرىلتايىندا» تۇڭعىش پرەزيدەنت – ەلباسى ن.ءا. نازارباەۆ تاپسىرما بەرگەن ەدى. قوعام ءوز جۇمىسىن 2018 جىلدىڭ كۇزىندە باستاعان.
بۇگىندە قوعامنىڭ نەگىزگى ماقساتتارىندا شەتەلدەگى قازاق قاۋىمدارىنىڭ جيناقى تۇراتىن جەرلەرىندە قازاق ءتىلى مەن مادەنيەتىن دامىتۋ جانە تاريحي وتانىمەن بايلانىسىن قولداۋ سالاسىنداعى ءىس-شارالاردى ۇيىمداستىرۋ ارقىلى قر سىرتقى ىستەر مينيسترلىگىنىڭ شەتەلدىك ۆەدومستۆولارىنا باعىنىستى ۇيىمدار رەتىندە شەتەلدەگى مادەني-ىسكەرلىك ۇيلەرى پلاتفورماسىنىڭ جەلىسىن كەڭەيۋگە، شەتەلدىك قازاق جاستارى جانە قازاقستاننىڭ ءبىلىم بەرۋ سالاسىڭ باسىمدىقتارىنا، شەتەلدەگى قازاق قاۋىمدارى جانە قازاقستاننىڭ يميدجدىك تارتىمدىلىعىن ارتتىرۋ ‒ اقپاراتتىق-كونسۋلتاتسيالىق قامتاماسىز ەتۋ ماسەلەلەرىنە باسىمدىق جاساۋ كوزدەلىپ وتىر.
سونىمەن قاتار، قانداستاردى اقپاراتتىق قولداۋ ورتالىقتارىنىڭ جۇمىسىن جالعاستىرا وتىرا، شەتەلدەگى قازاقتار مەن ەلگە كەلگەن اعايىننىڭ ءوزارا ءىس-قيمىل سالاسىنداعى مەملەكەتتىك ساياساتتى تالداۋ، جوسپارلاۋ جانە بولجاۋ ماسەلەلەرى بويىنشا دەرەكتەر بازاسىن قالىپتاستىرۋ جۇمىستارىن اتقارادى.
"ادىرنا" ۇلتتىق پورتالى
