قازاق ادەبيەتىنەن ويىپ تۇرىپ ورىن العان "قان مەن تەر" رومانىنىڭ اۆتورى، قازاقتىڭ اسا كورنەكتى جازۋشىسى، قازاقستاننىڭ حالىق جازۋشىسى، مەملەكەتتىك سىيلىقتىڭ لاۋرەاتى نۇرپەيىسوۆ ءابدىجامىل 98 جاسقا قاراعان شاعىندا ومىردەن وزدى، دەپ حابارلايدى "ادىرنا" ۇلتتىق پورتالى.
ءابدىجامىل كارىمۇلى نۇرپەيىسوۆ - 1924 جىلى 22 قازان قىزىلوردا وبلىسى، ارال اۋدانىنىڭ قۇلاندى پوسەلكەسىنىڭ ۇشكوڭ اۋىلى دۇنيەگە كەلگەن.
ماراپاتتارى:
- ەكىنشى دارەجەلى ۇلى وتان سوعىسى، «قىزىل جۇلدىز» وردەندەرى;
- «ەڭبەك قىزىل تۋ» وردەنى;
- «قۇرمەت بەلگىسى» وردەنى;
- كسرو مەملەكەتتىك سىيلىعى;
- قازاق سسر-ءى حالىق جازۋشىسى. 200 تومدىق بۇكىلالەمدىك كىتاپحانانى دايىنداپ باسىپ شىعارۋدى جۇزەگە اسىرۋعا بەلسەنە اتسالىسقانى ءۇشىن، ونىڭ ىشىندە وسى سەرياداعى مۇحتار اۋەزوۆتىڭ ەكى تومدىعىنا ارنالعان العىسوزدى مۇقياتتىلىقپەن جازىپ شىققانى ءۇشىن ركفسر جوعارعى كەڭەسىنىڭ قۇرمەت گراموتاسى;
- قازاقستاننىڭ «وتان» وردەنى;
- 1985 جىلى «قازاق كسر حالىق جازۋشىسى» قۇرمەتتى اتاعى بەرىلدى.
مارقۇمنىڭ تۋىستارى مەن جاقىندارىنا "ادىرنا" ۇلتتىق پورتالى ۇجىمى قايعىرا كوڭىل ايتادى!
"ادىرنا" ۇلتتىق پورتالى
