قتج Instant Payments-پەن بيلەتتەردى ساتۋ جونىندەگى شارتىن مەرزىمىنەن بۇرىن بۇزادى، دەپ حابارلايدى "ادىرنا" ۇلتتىق پورتالى "قازاقستان تەمىر جولى "ۇك"اق ءباسپاسوز قىزمەتىنە سىلتەمە جاساپ.
"قازاقستان تەمىر جولى" ۇك" اق مەن "Instant Payments" جشس جولاۋشىلار پويىزدارىنا ەلەكتروندىق جول ءجۇرۋ قۇجاتتارىن راسىمدەۋ مەن ساتۋدى ۇيىمداستىرۋ بويىنشا قىزمەتتەردى ساتىپ الۋ تۋرالى شارتتى مەرزىمىنەن بۇرىن بۇزۋ تۋرالى ۋاعدالاستىققا قول جەتكىزدى", - دەلىنگەن حابارلامادا.
ۇلتتىق كومپانيا بۇل قىزمەتتەردى ەندى دەربەس ۇسىنادى. جول ءجۇرۋ قۇجاتتارىن راسىمدەۋ BILET.RAILWAYS.KZ سايتىندا ادەتتەگى رەجيمدە جۇرگىزىلەدى، كاسسالاردا جانە ونلاين. بۇل رەتتە سەرۆيسكە قولجەتىمدىلىك نارىقتىڭ بارلىق قاتىسۋشىسىنا اشىقتىق جانە ايقىندىق قاعيداتتارىندا بەرىلەتىنى حابارلاندى.
ايتا كەتەيىك، Instant Payments كومپانياسى 2011 جىلى قۇرىلدى. ونىڭ 2022 جىلعى قاڭتارداعى قۇرىلتايشىلارى – ءاليا نازارباەۆا مەن دياس ماديگوجين. بۇعان دەيىن نازارباەۆتىڭ كىشى قىزى "قازاقتەلەكومنىڭ" ءاربىر ەلەكتروندى تەمىرجول بيلەتى مەن قىزمەتىنەن اقشا تاباتىنىن جازعان بولاتىنبىز.
"ادىرنا" ۇلتتىق پورتالى
