الەۋمەتتىك جەلىدە بالا تەربەتىپ وتىرىپ ساباق وقىعان قىزدىڭ ۆيدەوسى تاراپ كەتتى، دەپ حابارلايدى "ادىرنا" ۇلتتىق پورتالى exk.kz-كە سىلتەمە جاساپ.
بەينەجازبادا شامامەن باستاۋىش سىنىپتا وقيتىن وقۋشى قىزدىڭ اياعىنا جاستىق قويىپ، وعان باۋىرىن جاتقىزىپ، تەربەتىپ جاتقانىن كورۋگە بولادى. وسى ساتتە ءوزى ساباعىن ورىنداپ وتىرادى.
ۆيدەونى كورگەن جەلى قولدانۋشىلارى كىشكەنتاي قىزدىڭ باۋىرمالدىعىنا ريزا بولدى. كوبى وعان اياۋشىلىق تانىتىپ، قيسايىپ وتىرىپ ساباق ورىنداۋ بالانىڭ دەنساۋلىعىنا زيان ەكەنىن العا تارتتى.
"كىشكەنتايىمىزدان تىرلىك جاسادىق. جامان بولعان جوقپىز. قايتا قازىردەن باستاپ باۋىرماشىل بولىپ وسەدى", "ارينە، جاقسى. بىراق ساباقتى ءتۇزۋ وتىرىپ جاساۋ كەرەك. ومىرتقاسىنا زيان", "بالاعا اۋىر عوي", "ەڭ بولماعاندا ساباق وقىعاندا بالالارعا ءوزىمىز قارايىقشى، انالار", "جەردە قيسايىپ وتىرۋ قيىن. باستان وتكەن", "مەن دە ءىنىمدى وسىلاي باعۋشى ەدىم", "اينالىپ كەتەيىن، اقىلدى قىز", "مەنىڭ قىزىم دا ىنىسىنە قارايدى. باۋىر دەگەن وسىنداي بولۋى كەرەك", "قارسىمىن. قىز بالانى ءۇي شارۋاسىنا ۇيرەتكەن دۇرىس. بىراق الدىمەن ساباعىن وقىسىن", "وبال عوي، ءوزىمىزدىڭ اياعىمىز تالىپ كەتەدى" دەپ جازدى جەلى قولدانۋشىلارى.
"ادىرنا" ۇلتتىق پورتالى
