قازاقستان پرەزيدەنتى نۇرسۇلتان نازارباەۆ تۇرىك رەسپۋبليكاسىنىڭ پرەزيدەنتى رەجەپ تايپ ەردوعانمەن تەلەفون ارقىلى سويلەستى،رەجەپ تايپ ەردوعان نۇرسۇلتان نازارباەۆتى تۋعان كۇنىمەن قۇتتىقتاپ، زور دەنساۋلىق پەن تابىس تىلەدى. اڭگىمە بارىسىندا مەملەكەتتەر باسشىلارى ەكىجاقتى ىنتىماقتاستىقتىڭ قازىرگى جاعدايى مەن پەرسپەكتيۆاسىن تالقىلادى. سونداي-اق، ەكى ەل كوشباسشىلارى وڭىرلىك جانە حالىقارالىق كۇن تارتىبىندەگى ماسەلەلەر جونىندە، سونىڭ ىشىندە بيىلعى 4-5 شىلدەدە استانادا وتكەن سيريا ماسەلەسى بويىنشا كەزەكتى حالىقارالىق كەزدەسۋدىڭ قورىتىندىلارىنا قاتىستى پىكىر الماستى. پرەزيدەنتتەر قازاقستان مەن تۇركيانىڭ كەڭ اۋقىمدى باعىتتار بويىنشا قارىم-قاتىناسىن ودان ءارى نىعايتۋ ءۇشىن سىندارلى ديالوگتى جالعاستىرۋ جونىندە ۋاعدالاستى.
akordanews.kz
