الەۋمەتتىك جەلىلەردە ءاندىجان وبلىسىنىڭ مارحامات اۋدانىنداعى مەكتەپتەردىڭ ءبىرىنىڭ مۇعالىمدەرى وقۋشىلاردىڭ اتا-انالارىنان ءبىلىم ساپاسىنىڭ ناشارلىعى ءۇشىن، سونداي-اق وقۋشىلاردىڭ جوعارى وقۋ ورىندارىنا ءتۇسۋ دەڭگەيىنىڭ تومەندىگى ءۇشىن كەشىرىم سۇراۋعا ءماجبۇر بولعاندىعى تۋرالى فوتوسۋرەتتەر مەن حابارلامالار پايدا بولدى، دەپ حابارلايدى “ادىرنا” ۇلتتىق پورتالى.
كەيىن رەسمي Telegram كانالىندا وزبەكستاننىڭ حالىق اعارتۋ مينيسترلىگىنىڭ باسشىسى باحتيەر سايدوۆ بۇل جاعدايدى ايىپتاپ، كىنالىلەر جازالاناتىنىن اتاپ ءوتتى.
"مۇنىڭ قانداي ماقساتپەن جاسالعانى ماعان تۇسىنىكسىز. مەن مۇعالىمدەردى ار-نامىسى مەن قادىر-قاسيەتىن قورلاۋعا جول بەرمەۋگە شاقىرعىم كەلەدى. ءتيىستى شارالار قابىلدانادى", - دەلىنگەن ءمينيستردىڭ رەسمي حابارلاماسىندا.
بۇل وقيعاعا سونداي-اق ۇلتتىق ماسس-مەديانى قولداۋ جانە دامىتۋ قوعامدىق قورىنىڭ قامقورشىلىق كەڭەسىنىڭ باسشىسى كوميل اللامجونوۆ تۇسىنىكتەمە بەردى.
"اندىجانداعى مۇعالىمدەردى ماجبۇرلەگەنى، باسىن تومەن تۇسىرگەنى، اتا – اناسىنان كەشىرىم سۇراعانى ءۇشىن وبلىستىڭ حوكيمى شۋحرات ابدۋراحمونوۆ ءوزى بارلىق مۇعالىمدەردەن كەشىرىم سۇراۋى كەرەك", - دەپ جازدى ول ءوزىنىڭ جەدەلحاتىنداعى پاراقشاسىندا.
“ادىرنا” ۇلتتىق پورتالى
