Áleýmettik jelilerde Ándijan oblysynyń Marhamat aýdanyndaǵy mektepterdiń biriniń muǵalimderi oqýshylardyń ata-analarynan bilim sapasynyń nasharlyǵy úshin, sondaı-aq oqýshylardyń joǵary oqý oryndaryna túsý deńgeıiniń tómendigi úshin keshirim suraýǵa májbúr bolǵandyǵy týraly fotosýretter men habarlamalar paıda boldy, dep habarlaıdy “Adyrna” ulttyq portaly.
Keıin resmı Telegram kanalynda Ózbekstannyń Halyq Aǵartý mınıstrliginiń basshysy Bahtıer Saıdov bul jaǵdaıdy aıyptap, kináliler jazalanatynyn atap ótti.
"Munyń qandaı maqsatpen jasalǵany maǵan túsiniksiz. Men muǵalimderdi ar-namysy men qadir-qasıetin qorlaýǵa jol bermeýge shaqyrǵym keledi. Tıisti sharalar qabyldanady", - delingen mınıstrdiń resmı habarlamasynda.
Bul oqıǵaǵa sondaı-aq ulttyq mass-medıany qoldaý jáne damytý qoǵamdyq qorynyń qamqorshylyq keńesiniń basshysy Komıl Allamjonov túsinikteme berdi.
"Ándijandaǵy muǵalimderdi májbúrlegeni, basyn tómen túsirgeni, ata – anasynan keshirim suraǵany úshin oblystyń hokımi Shýhrat Abdýrahmonov ózi barlyq muǵalimderden keshirim suraýy kerek", - dep jazdy ol óziniń jedelhatyndaǵy paraqshasynda.
“Adyrna” ulttyq portaly
