الماتى قالاسىنىڭ ءماسليحات دەپۋتاتى ءارى قوعام بەلسەندىسى قايرات قۇدايبەرگەن Facebook پاراقشاسىندا جازبا جاريالاپ، ءوزىن ۇقك مەن باس پروكۋراتۋرا جاۋاپ الۋعا شاقىرعانىن ايتتى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
قازىر مەن جوسپارلى دەمالىستا دۋبايدامىن. ءبىز 4 قاڭتاردا كەتەمىز دەپ جوسپارلادىق، مۇمكىندىك بولدى، بىراق مەن ۇشىپ، ءوز حالقىم مەن وتانىمدى تاستاپ كەتە المادىم. مەنىڭ دەمالىسىم 6 اقپاندا باستالدى، بىراق 5 اقپان كۇنى تۇسكى ۋاقىتتا ماعان ۇقك-دەن، ال 7-ءسى كۇنى باس پروكۋراتۋرادان جاۋاپ الۋعا «شاقىرۋ» ءتۇستى. بارلىعى وتە دۇرىس جانە سىپايى تۇردە. ادەيى كەتىپ قالعانداي، ولاردىڭ الدىندا ءوزىمدى جايسىز سەزىندىم. كەلگەن سوڭ مىندەتتى تۇردە استاناعا بارامىن سويلەسەمىن، سوسىن نە تۋرالى سويلەسكەنىن ايتامىن، – دەپ جازدى دەپۋتات.
ەسكە سالايىق، قايرات قۇدايبەرگەن «ديكي ارمان» لاقاپ اتىمەن تانىمال ارمان جۇماگەلديەۆپەن جاپپاي تارتىپسىزدىك كەزىندە بىرگە بولعانىن، سول كۇنى قانداي جاعداي بولعانىن ايتىپ بەرگەن ەدى.
6 قاڭتار كۇنى كۇندىز ارمانمەن ءبىرىنشى رەت تاۋەلسىزدىك الاڭىندا كەزدەستىك جانە بىرگە تۇرىپ ادامداردى سابىرلىققا، پروۆوكاتسياعا بەرىلمەۋگە شاقىردىق. ارمان ادامداردى تەك بەيبىتشىلىك ميتينگكە، ۇكىمەتپەن سويلەسۋگە شاقىردى. بىراق پروۆوكاتورلار پايدا بولىپ، ونى الاڭنىڭ باسقا جاعىنا الىپ كەتتى، مەن تۇرعان ورنىمدا قالدىم. قاسىما ەلدىڭ ىشىندە جۇرگەن بىرنەشە جىگىت كەلىپ، «اعا، مىنا جەردەگى پروۆوكاتورلار ءسىزدى ءولتىرىپ كەتۋى مۇمكىن، ءسىزدى كولىگىڭىزگە دەيىن شىعارىپ سالايىق» دەدى. ولارعا مىڭ دا ءبىر راحمەت! – دەپ جازدى دەپۋتات.
“ادىرنا” ۇلتتىق پورتالى
