بۇگىن قازاقستان ينجەنەرلىك-تەحنولوگيالىق ۋنيۆەرسيتەتىندە جاستار ۇيىمدارى كوميتەتىنىڭ ۇيىمداستىرۋىمەن اقيىق اقىن مۇقاعالي ماقاتاەۆتىڭ تۋعان كۇنىنە ارنالعان «ەسىڭە مەنى العايسىڭ...!» اتتى ادەبي-سازدى جىر كەشى ءوتتى.
كەشتە جىر پاديشاسى، سوڭىنا وشپەيتىن ءىز قالدىرعان مۇقاعالي ماقاتاەۆتىڭ ءومىرى مەن شىعارماشىلىعىنا شولۋ جاسالىپ، پوەزيانىڭ حالىققا كەڭ تارالۋىنىڭ سىرى نەدە ەكەنى ءتۇسىندىرىلىپ،شىعارماشىلىعىنىڭ مۋزىكامەن ۇندەسۋ ەرەكشەلىگى، اقىننىڭ سوزىنە جازىلعان اندەرىن كوپشىلىك نازارىنا ۇسىنىلدى.
كەشتىڭ اشىلۋ سالتاناتىندا ءسوز سويلەگەن قازاقستان ينجەنەرلىك-تەحنولوگيالىق ۋنيۆەرسيتەتىنىڭ رەكتورى گ.ءا.سارسەنبەكوۆا م.ماقاتاەۆ مۇرالارىنىڭ ومىرشەڭدىگى مەن وسكەلەڭ ۇرپاقتى تاربيەلەۋدەگى رولىنە ەرەكشە توقتالدى.
جيىن بارىسىندا ونەرلى ستۋدەنتتەر ءوز شىعارماشىلىعىمەن كورەرمەندەردىڭ ەرەكشە ىقىلاسىنا بولەنىپ، اقىننىڭ اسەم اندەرى مەن سىرشىل پوەزياسىن تارتۋ ەتتى.
تالانتتى ستۋدەنتتەر «ءۇش باقىتىم»، «بەسىك باسىندا»، «ءسابي-انا»، «مەن تاۋلىقمىن»، «تىنىشتىق» اتتى ولەڭدەرىن مانەرلەپ وقىسا، قازيتۋ عىلىمي كىتاپحاناسىنىڭ مەڭگەرۋشىسى ز.س.ماحامبەتوۆا م.ماقاتاەۆتىڭ «سەنىڭ كوزىڭ» ءانىن تامىلجىتا ورىندادى.سونىمەن قاتار ءىس-شارا قوناعى بولعان قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتى رينات نۇرمۇحاننىڭ ورىنداۋىندا «نەسىنە اسىعادى؟» ءانى كورەرمەن جۇرەگىنەن جول تاپتى.
جينالعان قاۋىمعا اقىننىڭ ءومىرىن باياندايتىن دەرەكتى فيلمدەر ۇسىنىلىپ، جاستاردى وتانسۇيگىشكىككە تاربيەلەيتىن ءمانى بار ولەڭدەرىنەن ءۇزىندى بەرىلدى. ەرەكشە سەزىم قالدىرعان ءسات - اقىننىڭ ءوزى جاندى داۋىستا وقىعان ولەڭىنىڭ اۋديوجازباسى.
مۇقاعالي - ماڭگىلىك ءومىر!
اقىن مۇراسى، مارجان پوەزياسى - بولاشاق ۇرپاقتىڭ ەنشىسى، قاستەرلەپ قادىرلەيتىن مۇراسى، اقىن كوكىرەگىنەن بۋىرقانا اعىلعان جىر جانارتاۋلارى ولەڭقۇمار حالىققا تاۋسىلمايتىن سىي، مول قازىنا بولىپ قالا بەرمەك.
كەش سوڭىن ستۋدەنتتىك حور مۇشەلەرى «ەسىڭە مەنى العايسىڭ» اتتى انىنمەن قورىتىندىلادى.
“ادىرنا” ۇلتتىق پورتالى
